Urutonde rw’abahanzi 10, barenze kandi bakunzwe cyane muri Africa, Diamond ku mwanya wa 3(Amafoto)

Televiziyo y’abanyamerika, CNN,yatangaje urutonde rw’abahanzi bayoboye abandi ku mugabane w’Afurika mu mwaka wa 2019.

Iyi televiziyo imaze imyaka 39 iri muzikunzwe cyane ku isi kandi irakurikirwa cyane, yakoze urutonde ibona rw’abahanzi bakunzwe cyane muri Afurika akaba ari nabo bayoboye abandi.

Bagiye bareba kubitaramo bakora, ababyitabira, uko bakurikirwa kumbuga nkoranyambaga, uburyo bigaragaza imbere y’abafana, uko bagurisha ibihangano byabo n’ibindi.

Ku mwanya wambere haza, Burna Boy wo muri Nigeria, umwanya wa kabiri hakaza Angelique Kidjo wo muri Benin, Diamond Platnumz wo muri Tanzania akaza ku mwanya wa gatatu akaba ari nawe mubahanzi wenyine wo muri East Africa ugaragara kuri uru rutonde.

1. Burna Boy: Nigeria

Damini Ebunoluwa Ogulu yavutse mu 1991, azwi nka Burna Boy, ni umuririmbyi akaba n’umwanditsi ukomoka muri Nigeria. yamamaye muri 2012 amaze gukora indirimbo yise “Like to Party” yari iri kuri album ye yise L.I.F.E  yasohotse muri 2013.

Burna Boy ubu ni umwe mubahanzi bakunzwe cyane n’abiganjemo urubyiruko muri Afurika ndetse n’iburayi.

2. Angelique Kidjo: Benin

Ubusanzwe yitwa Angélique Kpasseloko Hinto Hounsinou Kandjo Manta Zogbin Kidjo, kubera uburebure bw’izina rye yarayagabanyije yiyita Angélique Kidjo yavutse mu 1960, avukira muri Benin, ni umwanditsi w’indirimbo, akaba umuririmbyi, umukinnyi w’amakinamico na Cinema, akora ibikorwa by’ubugiraneza mugihugu cy’iwabo, ndetse ni umushoramari mu byamuzika.

Uyu mugore arubashywe cyane muri Benin aho akomoka, kuri ubu ni umuhanzi wa Kabiri mu bahanzi bakunzwe ndetse bubashywe cyane kumugabane w’afurika.

3. Diamond Platnumz: Tanzania

Nasibu Abdul Juma, umusore w’imyaka 30, ukomoka mucyaro cyahitwa i Tandale mu mujyi wa Dar es Salaam mugihugu cya Tanzania, yamamaye nka Diamond Platnumz.

Diamond ari ku mwanya wa Gatatu mu bahanzi bayoboye abandi ku mugabane wa Afurika, niwe muhanzi rukumbi ugaragara kuri uru rutonde akomoka muri East Africa.

Diamond yamamaye cyane kubera indirimbo yise “NUmber One” yasubiyemo akayiririmbana na Davido wo muri Nigeria, kugeza ubu Diamond arakunzwe cyane bigaragarira buri wese.

4. Yemi Alade: Nigeria

Yemi Eberechi Alade, yamamaye nka Yemi Alade, akomoka muri Nigeria, aririmba injyana ya Afropop, yamenyekanye muri 2009 ubwo yatsindaga  irushanwa ryiswe Peak Talent Show, nyuma yaho yahise akora indirimbo yise “Johnny” yatumye yamamara cyane kumugabane wa Afurika.

Kuri ubu Yemi Alade arakunzwe cyane ku mugabane wa Afurika.

5. Tiwa Savage: Nigeria

Tiwatope Savage, uyu mugore w’imyaka 39 yamenyekanye nka Tiwa Savage, ni umwanditsi w’indirimbo, araziririmba ndetse akanaba n’umukinnyi wa Filime.

Tiwa yavukiye mu gace kitwa Isale Eko mu mujyi wa London mu Bwongereza, yatangiye umuziki akiri umwana muto cyane kuburyo yasoje amashuri abanza ari umwe mubahanzi batanga icyizere.

Yatangiye umuziki, yifashishwa n’abahanzi bakomeye  nka George Michael na Mary J. Blige.

Tiwa nubwo yavukiye mu Bwongereza afite inkomoko mugihugu cya Nigeria ndetse ni naho akorera muzika ye.


6. Wizkid: Nigeria

Ayodeji Ibrahim Balogun, uyu musore w’imyaka 29 yamamaye nka Wizkid, akomoka muri Nigeria, yatangiye kuririmba afite imyaka 11.

Kuri ubu ni umwe mubahanzi bakunzwe kandi bubashywe muri Afurika.

7. Mr.Eazi: Nigeria

Oluwatosin Ajibade, w’imyaka 28 yamamaye ku mazi ya Mr Eazi, akomoka muri Nigeria, araririmba akandika, ndetse ni n’umushabitsi.

Afite inzu ya muzika yise Banku Music, afite abahanzi afasha nabo bagenda bubaka amazina muri muzika, Mr Eazi ubu ni umwe mubahanzi bubashywe cyane ku mugabane wa Afurika.

8. Sho Madjozi:Afrika y’epfo

Maya Christinah Xichavo Wegerif, ni umukobwa w’imyaka 27 ukiri ingaragu, yamamaye ku mazina ya Sho Madjozi ni umwe mu bakiri bato bihagazeho mu njyana ya rap muri Afurika y’epfo.

Sho Madjozi yandika indirimbo, araririmba, akina cinema ndetse yandika n’imivugo.

Uyu mukobwa ufite ikimero gikurura abamureba ni umwe mubakunzwe cyane muri Afurika y’epfo, yibanda cyane ku muco wiwabo bigatuma akundwa cyane.

9. Busiswa Gqulu: Afurika y’Epfo

Busiswa Gqulu, yamenyekanye ku mazina ya Busiswa Gqulu, akomoka muri Afurika y’epfo, ni umwanditsi w’indirimbo araziririmba akandika n’imivugo.

Yahawe ibihembo byinshi muri iki gihugu, ubu nawe ari mubayoboye abandi ku mugabane wa Afurika.

10. Slapdee: Zambia

Mwila ‘Slapdee‘ Musonda ni umuraperi ukomoka muri Zambia.

Ku myaka 32 ari mubakunzwe cyane muri Zambia na Afurika y’epfo, niwe muhanzi wabashije kuzuza Stade nini cyane muri Zambia yakira abagera ku ibihumbi 30.

 

Tanga Igitekerezo ukoresheje Facebook

SHARE