Search

Urutonde rw’Abahanzi nyarwanda batunze imodoka z’akataraboneka ariko ukaba utamenya irengero ryazo

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mu minsi yashyize,bamwe mu bahanzi bahano mu Rwanda bagiye bavugwaho gutunga imodoka zikomeye cyane ndetse zinahenze urebye ku biciro byazo.gusa uko iminsi yagiye ihita n’indi igataha ntawamenya aho izo modoka zarigitiye ndetse dore ko kuri ubu hari nabamwe basigaye batega Bus kandi barigeze gutunga ibifaru by’imodoka zabo nubwo nanone hari abandi nagiye bagura izindi.

Nk’ibyamamare,twaguteguriye urutonde rw’Abahanzi 5 bavuzwe cyane mu minsi yashize kubw’imodoka bari batunze zavugishaga abatari bake ariko kuri ubu ukaba utabasha kumenya irengero ryazo.

  1. Nizzo Kaboss

Iyi ni imodoka Nizzo Kaboss yari atunze,gusa ubu ntiwamenya irengero

Uyu musore wo mu itsinda rya Urban Boyz ni umwe mu bazwiho kwiyitaho no kugaragara akeye igihe ari mu bantu, ibi byatumye uyu muhanzi aza no mu bambere baguze imodoka nziza yo mu bwoko bwa Celca, iyi modoka Nizzo akiyigura inkuru yatashye mu itangazamakuru ko umusore wiviriye i Huye aje i Kigali gukora umuziki watangiye kumusekera uri kumuhira.

Nyuma y’iminsi mike uyu muhanzi aguze iyi modoka ntabwo yongeye kuyigaragaramo ahubwo yatangiye kujya aba ari kumwe na Safi mugenzi we baririmbanaga mu modoka imwe gusa, benshi ntibahaye agaciro ko ya modoka nziza yari yaguze ikaba inkuru yaba yaranayigurishije, Nizzo ntabwo yigeze akunda no kubazwa kuri iyi modoka.

  1. Bruce Melody

Iyi ni imodoka yari iya Bruce Melody,gusa kuri ubu ntawamenya irengero ryayo

Bruce Melody ni umusore wavuye i Kanombe akimukira mu Biryogo aho yari yiyemeje kwinjira mu muziki, aha yahakoreye indirimbo zinyuranye zakunzwe nyuma  aza gusinya amasezerano mu nzu itunganya imiziki ya Super Level, aha Bruce Melody aje kuhava avuga ko agiye gukora studio ye ku giti cye yise ‘Igitangaza’, iyi studio ayitangira yayitangiranye n’imodoka ihenze yaguze ndetse ikora n’amateka dore ko hari inkuru ziherekejwe na video zerekanaga abafana be batangariye imodoka uyu muhanzi yari yaguze.

Nyuma y’iminsi mike ayigendamo inkuru yasesekaye mu bitangazamakuru ni uko Bruce Melody yakoze impanuka ikomeye ya modoka ikagonga, kugonga kwayo byatumye inangirika bikomeye icyakora Imana ikinga ukuboko we ntacyo yabaye. Imodoka yari yangiritse abantu bari biteze ko agiye kuyikoresha gusa bihabanye nibyo bamwe batekerezaga ntawamenye niba  uyu muhanzi yarayikoresheje, yarayigurishije cyangwa yaraheze mu igaraje icyakora ikizwi cyo ni uko isigaye mu migani ngo ‘ Bruce Melody yatunze ya modoka ya Benz.’ Muri iyi minsi uyu muhanzi akunze kugaragara yateze tax Voiture cyangwa ari mu zindi modoka z’inshuti ze ariko iye yo ubanza byarabaye amateka.

3.Humble G

Iyi modoka y’akataraboneka yari itunzwe n’umusore Humble G

Uyu musore nawe ni uwo mu itsinda rya Urban Boyz, mu myaka yatambutse yaguze imodoka itari isanzwe muri Kigali, mu binyamakuru binyuranye hasohotse inkuru ko uyu musore yaguze imodoka y’ikinege muri Kigali. Bivuze ko yari yihariye kandi koko yari yihariye ntabwo zari nyinshi. Humble G yayiryoshyemo biratinda.

Umwaka wa 2016 wegereje nibwo imodoka ya Humble G abantu batangiye kumenya ko atakiyigendamo, bamwe bavugaga ko iri mu igaraje abandi bakavuga ko yayigurishije nta makuru afatika yabaga ahari ndetse nawe ntiyigeze akunda kugaruka ku iherezo ry’imodoka ye y’ikinege muri Kigali. Uyu muhanzi byaje kurangira atakigaragara muri ya modoka ndetse amakuru ahari gusa nyirayo atari yemeza ni uko iyi modoka yaba yaragurishijwe. Uyu muhanzi muri iyi minsi iyo atateze Tax Voiture umubona mu modoka z’inshuti ze .

  1. Jay Polly

Imodoka Jay Polly yari atunze,ubu utamenya irengero ryayo

Uyu muraperi mu myaka mike ishize yaguze imodoka ya Lexus biba inkuru ko ari umwe mu bahanzi batunze imodoka nziza kandi ihenze, iki gihe uyu muhanzi yumvikanye mu itangazamakuru avuga ko yageze ku nzozi ze dore kari indirimbo yari yarakoze cyera akaririmbamo ko afite inzozi zo kuzatunga iyi modoka.

Guhera mu mwaka wa 2015 uyu muhanzi ntiyakunze kugaragara muri iyi modoka hanze inkuru zikavuga ko yayigurishije ariko we akavuga ko hari ababikira yayikodesheje ndetse ko yiteguye kuyisubirana amasezerano bari bafitanye narangira. Siko bagenze rero kuko magingo aya iyi modoka imaze kuba amateka kuri Jay Polly utakiyigaragaramo ndetse inkuru zigakomeza guhamya ko yayigurishije nubwo we atabikozwa.

1.Riderman

Gatsinzi Emery cyangwa Riderman nkuko azwi muri muzika, mu myaka ishize uyu yaguze imodoka yanditswe n’ibinyamakuru binyuranye nk’umuhanzi wari ubashije kwigurira akamodoka keza mu mujyi wa Kigali nubwo hari n’abandi bari bazifite ariko yari intambwe idasanzwe kuri uyu musore wo ku Ntaraga Kimisagara aho akomoka.

Iyi modoka yari itunzwe n’umuraperi Rider Man ,gusa nyuma y’uko ikoze impanuka ntawongeye kumenya irengero ryayo

Nyuma y’inkuru z’igurwa ry’iyi modoka Riderman yaje gukora impanuka ikomeye yatumye imodoka ye yangirika, baramufunga mbega bimubera ibyago bikomeye. Uyu muhanzi kuva iyo modoka ye ihenze yakwangirika ntabwo yigeze yongera kuyigaragaramo bivuze ko atarakiyifite dore ko amakuru yavugaga ko yagonze moteri ndetse bamwe bagahamya ko uyu muhanzi yaba yaranze kuyikoresha ahubwo agahitamo kuyigurisha uko yari imeze bakamuha make. Urebye Riderman muri iyi minsi akunze kwigendera muri Tax Voiture binavugwa ko afite izitari nke mu mihanda y’i Kigali.

 

Richard [email protected]

Comments

comments




Leave a Reply

Your email address will not be published. Required fields are marked *