Search

Urutonde rw’ibihugu 10 bya mbere birusha ibindi ingufu za gisirikare kw’isi si(Amafoto)

IBM Radio Listen Live

KANDA HANO UREBE VIDEO

Uru rutonde rw’ibihugu 10 bya mbere birusha ibindi ingufu za gisirikare kw’isi si uru rutonde rwakozwe hagendeye ku kureba ingengo y’imari igenda ku gisirikare cya buri gihugu, umubare w’ingabo igihugu gifite . Ikindi cyarebwe ni ibikoresho igihugu kiba gitunze nka za Tanks( Ibimodoka by’imitamenwa), indege z’intambara, Kajugujugu n’amato y’intambara. 

10.Pakistan

Pakistan izwiho kugira imiyoborere iri ku rwego rwo hejuru. Yashinzwe mu 1947, igisirikare cyayo kigizwe n’ibice bitatu bigizwe n’abasirikare barenga 600,000 bari mu kazi. Igisirikare cya Pakistan kandi gikorana bya hafi n’igisirikare cya Leta Zunze Ubumwe z’Amerika n’icy’u Bushinwa. Ingengo y’imari yacyo irenga miliyari 5 z’Amadorali.

pakistan

N’ubwo iyi ngengo y’imari ariyo nto ugereranyije n’ibindi bihugu biri kuri uru rutonde, irenze kure iy’ibindi bihugu byinshi byishyize hamwe kw’isi. Pakistan kandi yenda kunganya n’u Bwongereza amato y’intambara, ikagira n’indege nyinshi z’intambara (Mirages) na za kajugujugu ndetse n’ibimodoka by’intambara bigera ku 9,000. Pakistan yafashije Amerika mu ntambara yo kurwanya iterabwoba ku batalibani na Al Qaida muri Afghanistan no ku mbibi zayo.

09.U Bwongereza

Igisirikare cy’u Bwongereza kigizwe n’ibice bitatu, – ikirwanira mu mazi , icyo ku butaka n’icyo mu kirere. Kibarirwamo abagabo 197,700 na 212,000 by’inkeragutabara (Reserved Forces).

british

Indege z’intambara na Kajugujugu bibarirwa mu 1800 n’ibimodoka by’intambara 5,500. N’ubwo u Bwongereza busa nk’ubufite umubare muto w’ingabo ariko zifite uburambe kandi urwego rw’iperereza rwabwo, SAS, ni rumwe muzikomeye cyane kw’isi. Igisirikare cy’u Bwongereza kandi gikorana umunsi ku wundi n’icya Leta Zunze Ubumwe z’Amerika.

08.Iran

Iran ni kimwe mu bihugu bifite umubare muto w’ingabo ariko nziza kw’isi. Kimwe cya kabiri cy’ingengo y’imari y’iki gihugu ijya mu gisirikare. Igisirikare gishya cy’iki gihugu cyashinzwe mu 1923, ubu kikaba gifite 500,000 by’ingabo ziri mu kazi.

iran

Ingengo y’imari yacyo ingana na miliyari 10 z’Amadorali yatumye iki gihugu kigira indege z’intambara ziruta iza Amerika n’u Bwongereza byiteranyije, ndetse gifite indege z’intambara na kajugujugu byenda kungana n’iby’u Bushinwa.

07.Turkiya

Igisirikare cya Turkiya kimaze imyaka irenga 2000. Ariko igisirikare gishya gisa nk’icyabonye izuba ahagana mu 1920. Turkiya ifite ingabo zirenga 600,000, ingengo y’imari yacyo ingana na miliyari 19 z’Amadorali.

turkish

Iki gihugu kiza ku mwanya wa kane mu bitunze ibimodoka by’intambara (tanks) n’izindi z’imitamenwa zirenga 11,000. Abagabo bose bo muri Turkiya iyo bagejeje imyaka 20 bagomba gukora imirimo ya gisirikare uretse iyo hari impamvu zituma utitabira kandi ni nke zishobora kwemerwa.

06.U Budage

Amateka y’ubushobozi bw’igisirikare cy’u Budage yatangiranye no kuzamuka kwa Hitler kuko ariwe watangije Intambara ya Kabiri y’Isi ubwo u Budage bwigaruriraga Pologne.

ggg

Intambara irangiye, igihugu cyacitsemo ibice bibiri nuko igisirikare cy’u Budage bw’Uburengerazuba kiravuka. Igihugu cyongeye kuba kimwe mu 1990. Kuri ubu u Budage bufite abasirikare barenga 200,000 bari mu kazi batojwe neza bafite n’ibikoresho bihagije. U Budage bufite zimwe mu modoka z’intambara (Tanks) zikoranye ubuhanga kurusha izindi bita Leopard II.

05.U Bufaransa

Igisirikare cy’u Bufaransa nta bigwi bidasanzwe kizwiho nk’igihugu k’igihangange, ariko umubare w’ingabo bufite wakwerekana ibitandukanye.

U Bufaransa bufite ingabo zirenga 360,000 zibarizwa mu bice bitatu, – izirwanira mu mazi, ku butaka no mu kirere.

french

Ibice uko ari bitatu byubatse neza, ariko benshi batekereza ko igisirikare cyo mu mazi aricyo gikomeye kurusha ibindi bice. Ingengo y’imari igenda ku gisirikare ingana na miliyari 58 z’amadolari. N’ubwo iyi ngengo igaragara nk’iri hejuru, u Bufaransa buracyafite umubare muto w’indege z’intambara na kajugujugu kurusha ibindi bihugu biri kuri uru rutonde.

04.U Buhinde

U Buhinde ni kimwe mu bihugu bifite igisirikare cyo mu kirere gikomeye na Specials Forces yatojwe neza.

india_para

Igisirikare cy’u Buhinde kigizwe n’ibice bine n’indi mitwe yitwara gisirikare. Abasirikare bari mu kazi babarirwa muri miliyoni 1,3, inkeragutabara zibarirwa muri miliyoni 2,1 , imitwe yitwara gisirikare ibarirwamo abantu bagera muri miliyoni 1,3, muri rusange u Buhinde bufite ingabo zigera muri miliyoni 4,7.

N’ubwo bufite umubare munini w’ingabo, ibikoresho by’intambara nk’indege, ibimodoka by’imitamenwa n’ibindi bishyira u Buhinde hagati kuri uru rutonde, kandi bunafite umubare muto w’amato y’intambara.

03.U Burusiya

Iki gihugu cyahoze ari igihangange kw’isi kiracyafite ibikoresho byinshi aho kibikorera. Gifite ingabo zibarirwa muri miliyoni 1,2 ziri mu kazi ndetse n’inkeragutabara 750,000. Ingengo y’imari igenda kuri iki gisirikare ingana na miliyari 64 z’Amadolari. Ibihugu birusha u Burusiya ingengo y’imari akaba ari bibiri gusa – Leta Zunze Ubumwe z’Amerika n’u Bushinwa.

rr

Abagabo bagejeje ku myaka hagati ya 18 na 27 mu Burusiya bose baba bagomba guca mu myitozo n’imirimo ya gisirikare mu gihe cy’amezi 12, keretse igihe uri umunyeshuri cyangwa umubyeyi w’abana barenze babiri. U Burusiya buzwiho kugira umubare minini w’ibisasu bya kirimbuzi mu ntoki zabwo ariko ibyinshi ntago byiteguye gukoreshwa.

02.U Bushinwa

Igisirikare cy’u Bushinwa (Peole’s Liberation Army of China) kigezweho cyashinzwe mu 1927, kikaba kigizwe n’ingabo miliyoni 2,3 ziri mu kazi ari nacyo gihugu gifite umubare munini w’ingabo kw’isi.

chinese-special-forcespla-special-forces

U Bushinwa kandi bufite inkeragutabara 800,000 n’imitwe yitwara gisirikare ibarirwamo miliyoni 1,5. Muri rusange u Bushinwa bufite miliyoni 4,5 by’abagabo biteguye gutabara igihugu igihe bibaye ngombwa.

Ingengo y’imari y’igisirikare cyabwo ingana na miliyari 129 z’Amadolari akomeza kwiyongera buri mwaka ku kigero cya 12 na 15%. U Bushinwa buvugwaho gutunga ibisasu bya kirimbuzi bibarirwa muri 240.

01.Leta Zunze Ubumwe z’Amerika

Amateka y’igisirikare cya Leta Zunze Ubumwe z’Amerika yatangiye mu 1775 ubwo cyashingwaga bwa mbere mu rwego rwo kurwana intambara y’impinduramatwara. Igisirikare cy’Amerika cyagize uruhare mu ntambara z’isi zikomeye harimo Intambara ya Koreya, iya Vietnam, Intambara yo mu Kigobe n’Intambara yo kurwanya Iterabwoba.

us

Ingengo y’imari y’igisirikare cy’Amerika iruta iy’ibindi bihugu byose biri kuri uru rutonde byiteranyije aho ibarirwa muri miliyari 689 z’Amadolari. Amerika ifite ingabo zirenga miliyoni 1,4 n’inkeragutabara zibarirwa muri miliyoni 1,4 ndetse n’imitwe yitwara gisirikare ibarirwamo abantu 11,000. Amerika iza ku mwanya wa kabiri mu bihugu bitunze ibisasu bya kirimbuzi inyuma y’u Burusiya ariko ikagira byinshi byiteguye gukoreshwa. Amerika niyo ifite indege na kajugujugu by’intambara byinshi bibarirwa mu 21000, ikagira n’amato atwara indege z’intambara 12.

Uru rutonde rw’ibihugu 10 birusha ibindi igisirikare gikomeye rwibanze ku mubare w’ingabo, ibikoresho n’ingengo y’imari igenda kuri buri gisirikare.

Comments

comments




One thought on “Urutonde rw’ibihugu 10 bya mbere birusha ibindi ingufu za gisirikare kw’isi si(Amafoto)

Leave a Reply

Your email address will not be published. Required fields are marked *