Urwego rw’igihugu rw’imiyoborere, RGB, Rwemeje ko Sadate Munyakazi ariwe muyobozi wemewe n’amategeko muri Rayon Sports

Urwego rw’igihugu rw’imiyoborere, RGB, rwakuyeho igihu cyari kimaze iminsi hibazwa niba Munyakazi Sadate ariwe muyobozi wemewe n’amategeko cyangwa ari abandi. Rwemeje ko Sadate Munyakazi ariwe muyobozi wemewe n’amategeko bityo ko ariwe uyihagarariye imbere yayo.

Hari hashize igihe mu miyoborere ya Rayon Sports havugwa ibibazo. Munyakazi Sadate yagejeje ikibazo cye kuri RGB nayo iragisuzuma iza kwemeza ko ari we muyobozi wemewe n’amategeko.

Urwego rw’igihugu rw’imiyoborere, RGB, Rwemeje ko Sadate Munyakazi ariwe muyobozi wemewe n’amategeko muri Rayon Sports

Yari aherutse guhagarikwa we na  Komite Nyobozi ya Rayon Sports yari ayoboye, bakaba barahagaritswe n’inama y’ubuyobozi y’umuryango wa Rayon.

Iyi Nama y’ubuyobozi yavugaga ko Sadate Munyakazi n’abo bakoranaga muri Komite hari amakosa akomeye bakoreye ikipe mu mezi icumi bari bamaze bayiyobora.

Kuwa Kane taliki taliki 28, Gicurasi, 2020 Sadate Munyakazi yaregeye Urwego rw’Ubugenzacyaha, RIB, ibirego birimo  ‘kunyereza amafaranga.’

Umuvugizi warwo Marie Michelle Umuhoza kuri uyu wa Gatanu taliki 29, Gicurasi, yabwiye Umuseke ko abitabye urwego avugira barimo abo ku ruhande rwareze n’urwarezwe.

Amakuru yavugaga ko abitabye barimo Gacinya Denis na Sadate Munyakazi watanze ikirego.

Ibibazo byo muri Rayon byari byaramenyeshejwe n’Umukuru w’Igihugu.

Tanga Igitekerezo ukoresheje Facebook

SHARE