Urwibutso Nicole, umunyarwandakazi uri mubakunzwe muri Basket yakoze agasha ku munsi w’ubukwe bwe agaragazako yihebeye uyu mukino(Amafoto)

Urwibutso Nicole umukinnyi w’umukino w’intoki wa Basketball mu ikipe ya RP-IPRC South Women Basketball Club na Yves Nyirigira bari bamaze imyaka itandatu bakundana, ubukwe bwabo bwatashywe ku mugaragaro maze uyu mukobwa agaragazako yihebeye umukino wa Basket.

Ni ibirori byabaye kuri uyu wa Gatandatu tariki 6 Werurwe 2021 mu karere ka Gasabo mu mujyi wa Kigali.

Nicole mubukwe bwe yazanye umupira wo gukina

Urwibutso Nicole w’imyaka 26 kuri ubu ni umwe mu bakinnyi beza bari muri Basketball y’abagore uhereye mu myaka itatu ishize kuko no mu isozwa ry’umwaka w’imikino 2018-2019 yari mu ikipe y’umwaka ndetse yanahawe igihembo.

Urwibutso Nicole yubatse izina mu mukino wa Basketball ahanini bishingiye ku musaruro yagiye aha amakipe yakiniye arimo nka kaminuza y’u Rwanda ishami rya Huye (UR-Huye Women Basketball Club) na RP-IPRC South Women Basketball Club kuko nibura buri mwaka yabaga mu bakinnyi batanu beza mu gihugu ndetse akenshi ugasanga yatwaye igihembo cy’umukinnyi urusha abandi gutsinda amanota menshi.

Nicole n’umugabo we bafite umupira wa Basket

Mu 2016, Urwibutso Nicole yahawe igihembo cy’uwatsinze amanota menshi muri shampiyona kuko yari afite amanota 151 ubwo yari na kapiteni wa UR-Huye.
2017 yahise ajya muri RP-IPRC Huye ahakina umwaka umwe w’imikino mbere yo gusubira muri UR-Huye mu 2018. Mu 2019 yasubiye muri RP-IPRC South WBBC kugeza ubu muri 2020 akaba ari umukinnyi w’iyi kipe.

Nicole hamwe n’abakobwa bari bamugaragiye

Urwibutso yatangiye umukino wa Basketball mu 2009 ubwo yari mu cyiciro rusange. 2012 yagiye kwiga muri Ecole Notre Dame de la Providence Karubanda aho nagize amahirwe nkajya no mu kipe y’igihugu y’abatarengeje imyaka 18. Mu 2016 nibwo yagiye muri UR-Huye WBBC ari nabwo yatangiye no guhamagarwa mu ikipe y’igihugu nkuru.

Tanga Igitekerezo ukoresheje Facebook

SHARE