USA: Shampiyona ya NBA yahagaritswe, kaminuza ya Harvard n’izindi 55 zirafunga kubera Coronavirus

Icyorezo cya Coronavirus gikomeje gutigisa Isi giteza ibibazo bikomeye mu bihugu bitandukanye, kuri ubu muri Leta Zunze Ubumwe za Amerika amashuri menshi ya Kaminuza n’amakoleji byahagaritse amasomo ndetse na shampiyona yabo ya Basketball iyoboye izindi ku Isi (NBA) yamaze guhagarikwa.

Kugeza ubu muri Amerika abantu basaga 37 nibo bazame guhtanwa na Coronaviru mu gihe abayanduye barenga 1260 bo mu duce dutandukanye.

Ibi byatumye zimwe muri kaminuza zaho n’amakoleji bigera kuri 55 harimo na Harvard iri mu zambere ku Isi zihagarika amasomo murwego rwo kwirinda iki cyorezo.

Urubuga rwa Forbes.com ruvuga ko abayobozi ba zimwe muri izi Kaminuza zafunze basabwe gufasha abanyeshuri batari abenegihugu bakaguma mu mazu y’ibigo bacumbitsemo ariko ubu busabe ntibwakiriwe kimwe kuko nk’abiga muri Hardard kuri uyu wa Kabiri basabwe kuva mu mazu y’ikigo kuko n’amasomo yahagaze.

Muri iki gihugu kandi hazwiho kugira shampiyona ya mbere ku Isi mu mukino wa Basketball ariyo NBA kuri ubu nayo ikaba yamaze gusubikwa.

Mu itangazo ryashyizwe hanze n’ubuyobozi bwa NBA mu rukerera rwo kuri uyu wa Kane, rivuga ko imikino yose yabaye ihagaritswe kugeza igihe kizatangazwa nyuma yo gufata ingambwa zihagije zo kurwanya iki cyorezo.

Iki cyemezo gifashwe nyuma yuko umwe mu bakinnyi b’ikipe ya Utah Jazz ariwe Rudy Gobert bigaragaye ko yanduye Coronavirus, hari n’amashusho yagaragaje ko uyu mukinnyi yafashe kuri micro z’abanyamakuru ubwo yatangaga ikiganiro nyuma y’umukino uheruka.

Amakipe yemerewe gukomeza gukora imyitozo ariko akaba abujijwe kuva mu Mujyi umwe ajya mu wundi ndetse amakipe yose yakinnye na Utah Jazz mu minsi 10 ishize, yasabwe gushyira abakinnyi bayo mu kato. Ayo akaba ari Cleveland Cavaliers, New York Knicks, Boston Celtics, Detroit Pistons, Toronto Raptors na Oklahoma City Thunder.

Kaminuza ya Harvard yahagaritse amasomo yanga no gukomeza gucumbikira abanyeshuri bayigamo.
Stanford Universitynayo iri muzafunzekubera iki cyorezo.
Rudy Gobert ukinira Utah Jazz yasanzwemo Virus ya Corona (Covid-19)
Imikino ya NBA ngo izasubukurwa mu gihe kitazwi.

Tanga Igitekerezo ukoresheje Facebook

SHARE