Uwayezu Obed yakoze uburyo bwo kwigisha abanyeshuli binyuze kuri Youtube yise “Elearning Obed”

Uwayezu Obed umwalimu wo ku ishuli ry’isumbuye rya Gs Rambo mu murenge wa Nyamyumba mu karere ka Rubavu yashinze umuyoboro kuri Youtube witwa “Elearning Obed” uzajya utangirwaho amasomo yo kwigisha Abanyeshuli. Ni mu gihe amashuli yugaye imiryango mu Rwanda kubera Coronavirus icyorezo cyugarije isi muri rusange.

“Elearning Obed” n’umuyoboro mushya unyuzwaho amasomo mu buryo bw’amashusho (Video) ugamije guhangana n’idindira ry’abanyeshuli bari mu ngo muri ibi bihe bikomeye, Uyu muyoboro wa Mwalimu Uwayezu uri mu bishimangira icyiza cyo kwigira kuri murandasi.

Uyu mwalimu wo mu mashuli yisumbuye avuga ko icyamuteye gushinga uru rubuga ari ugufasha abana bari iwabo mu ngo kutarangara no gusubira inyuma mu masomo

“Mbere na mbere uru n’urubuga rwo gufasha Abanyeshuli bari mu kiruhuko cyatewe na Coronavirus uje gucyemura ikibazo cy’abana birirwa mu rugo bareba za Filime badasubira mu masomo kubera ubunebwe bwo gufata ikayi kandi uzafasha Abanyeshuli kudasubira inyuma mu masomo “

Uwayezu Obed utanga amasomo kuri Youtube ndetse n’isuzuma mu rwego rwo gutyaza ubumenyi abanyeshuli bari mu ngo kubera Coronavirus

Uwayezu Obed avuga ko iyi Channel ya “Elearning Obed” yashyizweho kugira ngo ifashe by’umwihariko abanyeshuli bitegura gukora ibizamini bya Leta baba abo mu mashuli abanza, icyiciro rusange ndetse n’abitegura gukora ibizamini bisoza ayisumbuye.

Mu magambo ye ati: “Tuzajya twibanda mugufasha abana bitegura ibizamini bya Leta, kwiga aha n’ubuntu kandi buri mu Nyarwanda agomba kwiga, ikindi aha ama videwo ahari abarimu bemerewe kuyakoresha basobanurira abana kugira ngo barusheho gusobanukirwa isomo ntihazabeho icyuho kubera Coronavirus “

Uyu mwarimu akomeza avuga ko yatangiye ari wenyine ariko kubera ko yifuza ko uru rubuga rwafasha abantu benshi yatangiye kuvugana na bamwe mu barimu kugira ngo barusheho gutanga umusanzu wabo kw’ireme ry’uburezi mu Rwanda

“Natangiye ndi njyenyine ,ariko hari nabandi tuzajya dufatanya, nk’ubu hari abo natangiye guhamagara nziho ubushobozi kandi bamaze kubyemera.twizeye ko hari itafari tuzashyira ku burezi bw’abana bacu “

Akomeza agira ati : “Turifuza gushyiraho gahunda yuko buri munsi hajya hatambuka isomo rijyanye na buri shuri,icyo dusaba ababyeyi n’ukujya baha umwanya abana bagakurikira amasomo kuri channel yacu bakanakora Subscribe kugirango amasomo atazajya abacika.”

Obed Uwayezu avuga ko kwigira kuri internet byagira uruhare mw’izamuka ry’ireme ry’uburezi mu Rwanda

Mwarimu Uwayezu Obed avuga ko kuva aho atangiriye gutanga aya masomo kuri Youtube ababyeyi benshi bashishikariza abana babo kuyakurikira anavuga ko nyuma y’icyorezo cya Coronavirus uru rubuga ruzakomeza gukora kuko abanyeshuli bahora biga.

Ku rugamba rwo kwirinda Coronavirus mu kiganiro na IBYAMAMARE.COM yasoje asaba Abantu bose kwirinda kwandura ndetse n’ikwirakwira ryicyi cyorezo

“Icyambere nabibutsa ni ukuguma murugo, ubundi amasomo yo tuba twayaboherereje kandi bizakomeza kuko ikipe nini tugiye gukorana izajya ituma abana biga kandi neza, icyo twabasaba ni ugukomeza gufasha abana babaha izo videwo tuba twabakoreye, kandi bibuke ko byose ari k’ubuntu, tubikora kugirango ikicyorezo kitagira icyo gihungabanya mumyigire y’abana bacu.”

Niyonsaba Martin umuyobozi wa Gs Rambo  yemeza ko gukoresha ikoranabuhanga byatumye imitsindire y’abana yiyongera kuri iri shuli bakaba barahisemo gushyigikira Obed Uwayezu wazanye iki gitecyerezo aho uru rubuga  ruzafasha abana babo ndetse n’ab’ahandi gukomeza kwiga neza na nyuma y’ibi bihe na cyane ko ku bwabo kizaba igikorwa cyagutse ku bantu bose.

Kora Subscribe kuri Elearning Obed ujye ubona amasomo atandukanye

Tanga Igitekerezo ukoresheje Facebook

SHARE

2 IBITEKEREZO

  1. Uyu mwarimu rwose ndamushimiye cyane kuko igitekerezo nkicyi kigaragaza urukundo ninkeke afitiye ireme ry’uburezi, mugihe channel ye yayishiraho ninkuru zimyororokere nkabandi nawe akabona inyungu nyinshi we yahisemo gufasha u Rwanda n’abanyarwanda!

    Ndamusaba gushyira imbaraga mumasomo y’indimi n’imyandikire,
    Cyane cyane ikinyarwanda n’igifaransa(français).

    Ndabona ari kwibanda cyane kuri S.E.T cg Physique ahari, ariko ntekereza ko ikibazo cyimyandikire bikoreshwa ry’indimi kigeze kurugero ruteye agahinda ariko dufatanyije bizagenda neza.

    Ndashimira ibyamamare.com ko muha umwanya ibitekerezo byingira kamaro bikagera kubanyarwanda…

    Murakoze

    Nitwa Modeste NGENZI.

  2. Good job my fellow teacher. Your contribution will be a great support not only for learners but also for us their teachers. Thx a lot indeed.