Va kugiti dore umurongo, MTN yarakaye ijya kurega AIRTEL ngo amatangazo yiyi kompanyi arikuyisebya

Nyuma y’amatangazo Airtel Rwanda yari imaze iminsi ikora akangurira abantu kuva ku giti bakayigana,Urwego ngenzuramikorere [RURA]rwayitegetse kumanura ibyapa bitandukanye bigaragaza umuntu wambaye imyenda y’umuhondo ari gukururwa na mugenzi we.

Mu mafoto yamamaza Airtel Rwanda yashyize hanze yagaragazaga umuntu wambaye umwenda w’umuhondo uri kuvugira kuri telefoni ariko asa nk’utishimye, ariko ari gukururwa na mugenzi we ufite umugozi w’umukara.

Airtel yategetswe kumanura aya matangazo

Hari andi matangazo Airtel Rwanda yagiye ikora agaragaramo ibara ry’umuhundo, aya matangazo ari mubryo bw’amashusho yagiye anyuzwa ku mateleviziyo atandukanye hano mu Rwanda ndetse no kumgugankoranyamba z’iyi kompanyi, muri aya matangazo naho hagaramo abantu basa nabatishimye bambaye imyambaro y’umuhondo.

Aya matangazo ntiyashimishije MTN Rwanda byatumye ijya kurega muri RURA,igaragaza ko ubu buryo buri gukoreshwa na mukeba wayo mu kwamamaza bugamije kuyisebya.

Ku wa 25 Ugushyingo, RURA yatumije Airtel Rwanda kugira ngo haganirwe kuri iki kibazo, ndetse nyuma y’ubusesenguzi uru rwego rwakoze kuri ubu buryo bwo kwamamaza, yasanze butubahirije amategeko bityo ko bukwiye guhagarikwa.

Itangazo RURA yashyize hanze rigira riti “N’ubwo Airtel Rwanda itagaragaza MTN Rwanda mu buryo butaziguye mu iyamamaza ryayo, urebye uburyo [ayo matangazo] akozemo, amabara yayo ndetse n’ubutumwa butangwa, izo ngingo eshatu ziteranyijwe, zirekana nta shiti ko [Airtel Rwanda] ivuga kuri MTN Rwanda kandi bikaba bishobora kutesha agaciro, kubangamira cyangwa kwibasira umukeba wanyu rukumbi ku isoko ry’itumanaho [mu Rwanda]”.

Iri tangazo rikomeza rigira iriti “Ikindi kandi, byagaragaye ko gukoresha ubutumwa bugira buti ‘Umurongo Wizewe’ (The Honest Network) mu kwamamaza kwanyu bishobora kuyobya abakiliya bashobora kwibwira ko umukeba wanyu ‘atizewe’”.

RURA itangaza ko ibi bikorwa bya Airtel Rwanda bihabanye n’amategeko agenga ibigo by’itumanaho mu Rwanda.

Iti“Kwamamaza ntibigomba gutesha agaciro, kubangamira cyangwa kwibasira igicuruzwa kimwe cyangwa byinshi, serivise, iyamamaza, kompanyi cyangwa ikigo, cyangwa se gukabya imiterere cyangwa umumaro wa serivisi zitangwa n’ibyo bigo byombi. Nta wemerewe kwigana intero cyangwa igisobanuro cy’undi wamamaza mu buryo bushobora kuyobya umukiliya”.

Hashingiwe kuri izi ngingo zose, RURA yategetse ko Airtel Rwanda ihagarika ibi bikorwa, bati “Hashingiwe ku ngingo zatanzwe hejuru, Airtel Rwanda Ltd itegetswe guhita ihagarika ibikorwa byamamaza byagarutsweho (bagomba kugaragaza igihe bazaba bakuyeho ubwo butumwa bwose mu gihugu hose)”.

Airtel nitubahiriza aya mategeko izacibwa amande.

 

Tanga Igitekerezo ukoresheje Facebook

SHARE