Wa mugore byavugwaga ko yafatanyije n’abagabo babiri bakica umugabo we bamaze amezi atatu babyaye, Urukiko rwategetse ko arekurwa

Urukiko rwisumbuye rwa Muha mu Burundi rwategetetse ifungurwa ry’agateganyo rya Christa Kaneza, umugore ushinjwa uruhare mu rupfu rw’umugabo we.

Ni inkuru yazamuye amarangamutima ya benshi mu minsi ishize ubwo uyu mugore yatabwaga muri yombi ashinjwa kwica umugabo bashakanye witwa Thierry Kubwimana, aho bivugwa ko yateguye kumwica nyuma y’amakimbirane ashingiye ku mitungo.

Kubwimana na Kaneza bashakanye mu ntangiro za 2020, ndetse baza no kwibaruka umwana wabo w’imfura muri uwo mwaka.

Aya mahano yabaye mu ijoro ryo ku wa 24 rishyira ku wa 25 Ugushyingo 2020, mu gace ka Gasekebuye, muri Komine Muha mu Mujyi wa Bujumbura.

Hari abantu n’imiryango bagaragaje ko uwo mugore adakwiriye kuburana afunzwe kubera ko yasize uruhinja yari yarabyaranye n’uwo mugabo, rwavutse umwaka ushize.

Ibinyamakuru byo mu Burundi byatangaje ko umwanzuro wo gufungura by’agateganyo Christa Kaneza wafashwe kuri uyu wa kabiri, nyuma y’ibyumweru bibiri ari mu buroko.

Abandi bagabo babiri bari bafungwanywe urukiko rwategetse ko baburana bafunzwe.

Kubwimana Thierry wishwe yari amaze igihe gito ashakanye n’umugore we, yize muri Kaminuza yo mu Burusiya, yakoraga imirimo inyuranye irimo kuba yarakoze muri sosiyete icukura amabuye y’agaciro y’Abarusiya aza kuhava ajya mu yitwa ‘Tanganyika Mining Company’ nyuma aza gusezera ajya kwikorera ku giti cye.

Kubwimana na Kaneza bashakanye mu ntangiro za 2020, ndetse baza no kwibaruka umwana wabo w’imfura muri uwo mwaka.

Mu ijoro ryo ku wa 24 rishyira ku wa 25 Ugushyingo, nibwo abantu batamenyekanye bateye uru rugo barasa Kubwimana, abaturanyi bahise batabaza ba bantu bamurashe baracika. Yahise ajyanwa mu bitaro bya Kira aza guhita yitaba Imana.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE