Search

Waba uzi uburyo Satani arwanya umuntu wese ufite amasezerano y’Imana? Sobanukirwa

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Satani ajya arwanya ibyiza biva ku Mana kugira ngo umuntu atabishyikira, n’impamvu Satani yazanye ibyaha mu isi ni ukugira ngo tutazabona ibyiza Imana yaduteguriye.

Imana yaduteguriye ibyiza byinshi kuva mu iremwa ry’isi, ariko Satani iyo atekereje ibyiza bihebuje yasize mu ijuru ubwo yacirwagaho iteka, yakwibuka ko nyuma yo gucirwaho iteka atazongera kubibona ukundi noneho agashaka ko n’abantu b’Imana batazabibonaho. Kuturwanya kwose rero ni uko azi agaciro n’ubwiza bw’ibyo yasize mu ijuru, n’uburyo bizahabwa umuntu nagerayo, ibi bigatuma ashakashaka uburyo bwose yayobya umuntu akamubarisha nabi kugira ngo atazabibona.

No mu masezerano niko biri, Satani agerageza kurwana kugira ngo umuntu atazasingira bya byiza yasezeranijwe n’Imana. Hari uburyo bwinshi Satani akoresha arwanya isezerano ry’Imana ku muntu warihawe:

  1. Uburyo bwa mbere Satani akoresha, ajya ashaka uko yagusha umuntu agasubira inyuma mu byaha.

Satani ntagoheka ashakashaka uburyo bwose akugusha ngo usubire inyuma ugwe mu byaha ugomere Imana kugira ngo amasezerano Imana yaguhaye utazayabona.

Kuko n’ubwo Imana idusezeranya ibintu ntitubibone mu gaciro kanini kabyo nkuko biri, Satani we ako gaciro kadasanzwe k’ibyo Imana iri ku gusezeranya arakabona niyo mpamvu abirwanya yivuye inyuma nawe akakurwanya cyane.

Niyo mpamvu mujya mubona kenshi iyo umuntu atabaye maso akarangara gato, nubwo yaba akomeye mu by’Imana ate, nubwo yaba asengera abarwayi bagahita bakira, nubwo yaba azi kwigisha abantu bagafashwa, nubwo yaba yari umuririmbyi ukomeye ate ukundwa n’abantu benshi aririmba bagafashwa.

Niho ujya kubona ukabona umuntu nk’uwo wari ukomeye yaraguye ava mu byizerwa asubira inyuma, asubira mu byaha ku buryo utapfa kumenya niba ari wa wundi mwari muzi, cyangwa se ugasanga ameze nk’ukibihagazemo ariko arabivangavanga.

Ni ukubera iki? Ni ukubera ko bimwe mu bintu Satani ajya akora ni ukugusha abantu b’Imana cyane cyane babandi bagaragara nk’abakomeye mu by’Imana bafite amasezerano bafite icyo bavuganye n’Imana yabo, abo bo ntashobora kugoheka bakiyarimo.

Niyo mpamvu duhora turwana n’ibyaha bitwizingiraho buri munsi, niyo mpamvu duhora turwana n’iyo myuka mibi ishaka ko tugwa ngo dusubire inyuma, ariko iyo tubaye maso turanesha kubwa Kristo Yesu. Imana ishimwe.

Abantu benshi bajya babyibazaho bakanabitindaho cyane

Igihe cyose uzumva uri umukozi w’Imana, uhagaze mu masezerano y’Imana. Uzamenye ko Satani akwanga rwose kandi icyo aba agambiriye ni ukukugusha no kugukoza isoni.

Abantu bajya batangara babonye umuntu wari ukomeye mu by’Imana aguye, ariko burya nta nubwo biba bitangaje cyane kuko burya haba hari imbaraga zindi zihora zimurwanya buri munsi ahubwo we aba akwiriye kuba maso igihe cyose kurusha abandi bose.

Ntabwo Satani akangwa n’uburyo ukomeye mu itorero ryawe: umuvugabutumwa, umuririmbyi, umunyamasengesho, umunyempano n’abandi, ahubwo iyo uri ahongaho nibwo akurwanya kurushaho.

Samusoni yari umunaziri Imana yari ifiteho umugambi muremure, isezerano rye ryavuzwe ataravuka, ariko mwibuke uburyo Satani yamuteze kenshi kugeza ubwo Delila agushije uyu Samusoni mu mutego wari ukomereye cyane kuba yawivanamo. Abacamanza 16: 4-22

N’uyu musi wa none hari abantu b’Imana bafite amasezerano menshi bahawe n’Imana ariko bagahora bibaza impamvu y’urusobe rw’ibigeragezo n’ibibazo bihora bibisukaho buri gihe.

Ariko nta yindi mpamvu ituma Satani adacika intege zo kukurwanya atyo, nuko yamenye ko ubitse amasezerano Imana yaguhaye, nuko yamenye ko ubitse impano z’Imana muri wowe. Ibyo mwahawe n’Imana nibyo bituma imbaraga za Satani zirushaho kubarwanya, ariko nimuhumure uwo twizeye ni umunyamaboko kandi ahora ari maso iteka kubwacu.

Wumva umuntu none akubwira ibintu Imana yamusezeranije ukumva ni byiza rwose ariko nyuma y’igihe runaka ugasanga yabivuyemo yaraguye yasubiye mu byaha. Nta yindi mpamvu ni ko atabaye maso ngo amenye ko, uko wongererwa amasezerano meza y’Imana ni nako Satani arushaho kukurakarira akakurwanya yivuye inyuma. Kuko iyo duhawe amasezerano y’Imana si ay’umudendezo ahubwo dusabwa no kuyahagararamo neza turi maso.

Inshuro ni nyinshi inama ziterana ikuzimu kugira ngo wowe wahawe isezerano ridasohora. Ariko nubwo ikuzimu baterana kubw’ubwo bugizi bwa nabi ku muntu w’Imana, no mu ijuru ntibagoheka baterana kenshi kugira ngo batange ubutabazi n’uburinzi bukomeye ku muntu wahawe isezerano n’Imana.

Ubutaha tuzarebera hamwe ubundi buryo bwa kabiri Satani akoresha arwanya umuntu ufite amasezerano y’IMANA.

Kanda hano udukurikire kurubuga rwacu rwa youtube, urasangaho ibiganiro n’amashusho y’indirimbo bishya twaguhitiyemo, ntiwibagirwe gukana ahanditse”Subscribe” Kanda hano ujye udukurikira kuri facebook yacu, ntiwibagirwe gukora Like

Comments

comments




Leave a Reply

Your email address will not be published. Required fields are marked *