Search

Wari uziko ushobora kugira agakoko gatera SIDA ariko utarwaye SIDA?byinshi ushobora kuba wibaza ntubibonere igisubizo wabisoma muri iyinkuru

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Biroroshye cyane kwitiranya kugira agakoko gatera SIDA mu maraso ndetse no kuba umuntu arwaye SIDA. Abantu benshi batekerezako gupimwa bagasanga ufite agakoko gatera SIDA mu maraso biba bivuzeko urwaye SIDA. Muby’ukuri ntabwo iyo bagusanzemo agakoko gatera SIDA ariko HIV biba bivuzeko urwaye SIDA.

Nkuko Tantine ibitangaza hari itandukaniro riri hagati yo kugira agakoko gatera SIDA ariko ka HIV mu maraso ndetse no kurwara SIDA.

Agakoko gatera SIDA (VIH cyangwa HIV)

Agakoko gatera SIDA kazwi mu ndimi z’amahanga nka HIV cyangwa VIH ni virusi itera infegisiyo mu mubiri kandi yibasira uburinzi bw’umubiri wacu ku buryo butongera gukora nkuko bisanzwe. Iyi virusi ituma abasirikare barinda umubiri wacu bagabanuka bityo ubwirinzi bwacu bugacika intege.

Iyi virusi itandukanye n’izindi virusi dushobora kurwara kuko umubiri wacu ntushobora kuyirwanya burundu mpaka ikize nyamara umubiri wacu ushobora kurwanya izindi Virusi. Umubiri wacu ugerageza kwirwanaho ariko mu gihe umuntu adafashe imiti neza kandi hakiri kare virusi igeraho ikaganza ubwirinzi bw’umubiri wacu.

Abantu bafite agakoko gatera SIDA ntibakunze kugaragaza ibimenyetso. Gusa mu byumweru byambere nyuma yuko wanduye ugira ibicurane bimara hagati y’ibyumweru 2 kugeza kuri 4. Nubwo ugira ibicurane bimara ibyo by’umweru ariko umubiri wacu uba ugishobora kubirwanya maze bikagenda.

Nkuko twabivuze hejuru ariko ubwirinzi bwacu ntibubasha kurwanya burundu iyi virusi itera SIDA ariko bushobora kuyirwanya igihe kirekire. Mu gihe rero SIDA yaje, umuntu azatangira kugira ibimenyetso byinshi ndetse n’indwara z’ibyuririzi nyinshi.

SIDA.

Virusi itera SIDA, VIH ubwayo itera infegisiyo mu mubiri ndetse igaca intege abasirikare barinda umubiri wacu naho SIDA ni uruhurirane rw’indwara nyinshi. Kwandura agakoko ka HIV nibyo bishobora gutuma urwara SIDA ariko birashoboka cyane ko wagira aka gakoko utarwaye SIDA.

SIDA ibaho mu gihe virusi ya HIV yaganjije abasirikare barinda umubiri wacu maze umuntu agatangira kurwara indwara zitandukanye kuberako umubiri wacu uba utagishoboye kurwanya indwara zitandukanye. SIDA rero ni uruhererekane rw’izo ndwara zose umuntu arwara nyuma yuko virusi yaganjije abasirikare bwacu.

Kuganzwa kw’abasirikare bacu biterwa n’umuntu ku giti cye kuko n’ubundi abasirikare bacu ntibaba bangana. Ibimenyetso bya SIDA rero kenshi na kenshi n’ubundi biterwa n’umuntu kugiti cye ndetse bikanaterwa na infegisiyo cyangwa indi ndwara y’icyuririzi zituruka ku kuba ubwirinzi bwacu bwagabanutse. Mu ruhererekane rw’indwara zigize SIDA harimo igituntu, umusonga, kanseri z’ubwoko butandukanye ndetse n,izindi infegisiyo zitandukanye.

KUGIRA VIRUSI ITERA SIDA NTA SIDA URWAYE.

HIV ni virusi naho SIDA ni indwara itera. Birashoboka cyane rwose ko ushobora kugira virusi itera SIDA nta SIDA urwaye. Ubushakashatsi kandi bwagaragajeko umuntu ashobora kumara imyaka myinshi afite virusi itera SIDA ariko atararwara SIDA bitewe n’ubwirinzi bw’umubiri wacu ndetse no kuba wafashe imiti igabanya ubukana bw’iyi virusi hakiri kare kandi neza. Bityo bigatuma iyi virusi itaganza abasirikare b’umubiri wawe ngo urware rwa ruhererekane rw’indwara cyangwa indwara z’ibyuririzi .

Nubwo twavuzeko umuntu ashobora kugira agakoko gatera SIDA nta SIDA arwaye umuntu wese urwaye SIDA biba bisobanuyeko we afite agakoko gatera SIDA.

Reka tubibutse uko agakoko gatera SIDA kandura.

Agakoko gatera SIDA kandurira ahantu henshi ariko ahingenzi cyane ni aha hakuri kira:

  • Mu gukorana imibonano mpuzabitsina idakingiye n’umuntu ufite iyi virusi
  • Mu guhabwa amaraso yanduye
  • Umubyeyi ubyara yaranduye

Gupima niba ufite iyi virusi itera SIDA biroroshye cyane.

Mugihe umuntu yanduye agakoko gatera SIDA,umubiri uhita ukora abasirikare bashinzwe kurwanya iyi virusi. Mu gupima iyi virusi rero bafata amaraso maze bakareba niba abo basirikare barwanya iyi virusi barimo mu maraso .Hanyuma kuko bakorwa aruko wanduye aka gakoko gusa, iyo abo basirikare bagaragaye mu maraso biba bisobanuye ko wanduye ako gakoko gatera SIDA.

Ubundi buryo bukoreshwa mu gupima ko wanduye virusi itera SIDA ni ugupima Antigen (proteins) zikorwa na Virusi itera SIDA. Ubu buryo bushobora kubona ko wanduye iyi Virusi ndetse nyuma y’iminsi mike.

Ni gute wamenya niba wageze ku rugero rwo kurwara SIDA?

SIDA mu byukuri ni cyo cyiciro (stage) cya nyuma ku muntu wanduye virusi itera SIDA. Hari ibimenyetso bikeya bishobora kwerekana ko umuntu yavuye kukuba yaranduye virusi itera SIDA noneho akaba arwaye SIDA.

Kubera ko virusi itera SIDA yica uteremangingo tudufasha kurwanya iyi virusi twitwa CD4, iyo barebako umuntu yarwaye SIDA natwo turapimwa. Ubusanzwe umuntu udafite agakoko gatera SIDA aba afite CD4 ziri hagati ya 500 ni 1200. Iyo utu turemangingo twagabanutse kugera kuri 200 nibwo bavugako umuntu yarwaye SIDA.

Ikindi kimenyetso kerekana ko umuntu yarwaye SIDA ni ukugaragara kw’indwara z’ibyuririzi. Izi ni indwara ziterwa n’izindi virusi, ndetse n’utundi dukoko bitewe nuko umubiri wacu uba utagishoboye kuturwanya.

Turabibutsa ko uburyo bwo kwirinda kwandura agakoko gatera SIDA ari KUBA

K -Kwifata

UB-Ubudahemuka

A-Agakingirizo

  • Nimba utazi uko uhagaze ihutire kwisuzumisha kugirango ubashe kumenya uko uhagaze ndetse n’ingamba wafata mu kwirinda.
  • Niba waragize ibyago byo kwandura virusi itera SIDA gerageza gufata imiti hakiri kare kandi neza kugirango wirinde kuba wajya ku rwego rwo kuba warwara SIDA.
  • Mu gihe waba warageze kurugero rwo kurwara SIDA nabwo fata imiti neza kandi ukurikize amabwiriza ya Muganga kugirango ubuzima bwawe bubungabungwe neza.

 

Richard [email protected]

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.