“Woman’s Day Fashion Show” igitaramo cy’abanyamideli cyateguwe mu karere ka Rubavu

1000Hills Fashion Agency yo mu karere ka Rubavu yateguye igitaramo yise Woman’s Day Fashion Show kizahuza abanyamideli ku munsi w’abagore.

N’Igitaramo gikomeye cyateguwe naba ba Nyamideli barangajwe imbere na Jimmy Mugunga cyo kwerekana urwego bamaze kugeraho mu guhanga no kumurika imideli aho bazaherekezwa na bamwe mu bahanzi bakunzwe mu karere ka Rubavu.

Abahanzi barimo umuraperi Apple Gold , Sages’B, Sempo King, Jov G Cyomoro n’umuhanzikazi Holly Gigi n’itsinda ribyina rya Hope Dance Crew bari mubazasusurutsa abazitabira iki Gitaramo bitezweho kuzatanga umunezero wo ku rwego rwo hejuru.

Biteganyijwe ko iki gitaramo kizaba kuwa 08 Werurwe 2020 guhera isaa kumi n’imwe(17h00) , umunsi wahariwe Abagore kikazabera muri Ubumwe Community Center mu Mbugangali i Gisenyi, Abanyamideli batoranyijwe bo mu Rwanda na DR Congo bakazagaragaza ubuhanga bwabo mu gitaramo cyabateguriwe dore ko ibitaramo nk’ibi bidasanzwe muri aka karere k’Impano n’imyidagaduro.

Jimmy Mugunga umuyobozi wa 1000Hills Fashion Agency yateguye iki gitaramo

Aganira na Ibyamamare , umunyamideli uyihanga akanayimurika uzwi kw’izina rya Mugunga Jimmy yatangaje ko iki gitaramo ari urubuga rwagutse bashyiriyeho Abanyamideli rwo kuzamurika bakanashimisha abakunda imyidagaduro.

“Iki gitaramo nicyo kwerekana ibyo abahanga n’abamurika imideli i Rubavu bagezeho, n’umwanya wagutse wo kwerekana ubuhanga bwabo ndetse no gushimisha abakunzi babo”

Jimmy Mugunga avuga ko Abanyamideli baziyerekana ari abatoranyijwe kuburyo yizera ko bazashimisha abantu ku buryo bukomeye.

“Abahanga imideli n’abayimurika bazigaragaza n’abatoranyijwe ku buryo twizera ko bazaha umunezero abazitabira iki gitaramo”

Mu rwego rwo gushyigikira abari n’abategarugori Mugunga avuga kwinjira kugitsinagore azaba ari amafaranga 1000Frw mu gihe igitsinagabo azaba ari 1500Frw bakazanahabwa icyo kurya gitunganyirizwa muri Ubumwe Community Center ndetse bakazafatwa amafoto y’Urwibutso na Photify Studio abahanga mu gufata amafoto no kuyatunganya.

Urupapuro rwamamaza iki gitaramo

 

Tanga Igitekerezo ukoresheje Facebook

SHARE