Search

Yaba abashakashatsi nabo ntibavuga rumwe ku munsi w’imperuka, Ese wowe wemerako umunsi w’imperuka uzabaho? Dore icyo Bibiliya ibivugaho.

IBM Radio Listen Live

KANDA HANO UREBE VIDEO

Hashize igihe kitari gito bamwe mu batuye isi bagerageza kwerekana amwe mu matariki bakeka ko imperuka y’isi ishobora cyangwa yashoboraga kubera. Amwe muri ayo matariki yararenze andi arategerejwe: twavuga nka tariki 21/12/2012 yari yagaragajwe n’indangabihe y’ubuhanuzi bw’aba Mayan, tariki ya kuya 26/08/2032 n’izindi. Nyuma y’ibyo abantu bavuga twifuje kurebera hamwe icyo Bibiliya Yera ivuga ku munsi n’igihe imperuka izabera.

end-of-the-world

Ntabwo ari ab’iki gihe gusa bibaza igihe imperuka y’isi izabera, ahubwo n’abigishwa ba Yesu barabyibajije ndetse banabaza Yesu ubwe icyo abitekerezaho, maze abasubiza mu magambo dusanga mu gitabo cya Matayo 24: 32-36 aho agira ati “Murebere ku mutini ni wo cyitegererezo: ishami ryawo iyo ritoshye ibibabi bikamera, mumenya yuko igihe cy’impeshyi kiri bugufi.

Nuko namwe nimubona ibyo byose, muzamenye yuko ari hafi, ndetse ageze ku rugi. Ndababwira ukuri yuko ab’ubu bwoko batazashiraho kugeza aho ibyo byose bizasohorera. Ijuru n’isi bizashira, ariko amagambo yanjye ntazashira na hato. Ariko uwo munsi n’icyo gihe nta wubizi, naho baba abamarayika bo mu ijuru cyangwa Umwana, keretse Data wenyine.”

Yesu ntiyigeze ahishurira abigishwabe uyu munsi ariko yabahaye byinshi mu bimenyetso bizawubanziriza, niko gutangira ababwira ngo “Mwirinde hatagira umuntu ubayobya kuko benshi bazaza biyitirira izina ryanjye bati ‘Ni jye Kristo..’ bazayobya benshi. Muzumva iby’intambara n’impuha z’intambara, mwirinde mudahagarika imitima kuko bitazabura kubaho ariko imperuka izaba itaraza.

Ishyanga rizatera irindi shyanga, n’ubwami buzatera ubundi bwami, hazabaho inzara n’ibishyitsi hamwe na hamwe. Ariko ibyo byose bizaba ari itangiriro ryo kuramukwa. Ubwo ni bwo bazabagambanira ngo mubabazwe, ndetse bazabica, muzangwa n’amahanga yose abahora izina ryanjye. Ni bwo benshi bazasubira inyuma, bazagambanirana bangane.

N’abahanuzi benshi b’ibinyoma bazaduka bayobye benshi. Maze kuko ubugome buzagwira, urukundo rwa benshi ruzakonja. Ariko uwihangana akageza imperuka ni we uzakizwa. Yesu Kristo asoza ababwira ko ubutumwa bwiza bw’ubwami buzigishwa mu isi yose, ngo bube ubuhamya bwo guhamiriza amahanga yose, ni bwo imperuka izahera ko ize. (Matayo 23:4-31)

Aha Yesu yavuze byinshi cyane byerekana uyu munsi, ariko ubigenzuye neza wasanga mubyo yavuze, ibyinshi byaramaze gusohora bikaba rero bikwiye kudutera kwagura ibitekerezo byacu ndetse tukitegura tutajenjetse, duteganya ejo hacu ndetse n’aho tuzaba nyuma y’uwo munsi, kuko Bibiliya yerekana neza ko uwo munsi uzarangwa n’amarira menshi kubanyabyaha, ndetse n’ibyishimo ku bakiranutsi.

Hari aho Bibiliya Yera igira iti, “Dore ndaza vuba nzanye ingororano kugira ngo ngororere umuntu wese ibikwiriye ibyo yakoze.” (ibyahishuwe 22:12)

Byumvikana ko mubazahembwa cyangwa bazahanwa natwe turimo, iby’uyu munsi rero nkwifurije kubitegereza wizeye kuzagira iherezo ryiza maze uzabane na Yesu mu ijuru ubuziraherezo kuko hanze yaryo bizaba ari agahinda gusa.

Rejoice Ministries

Kanda Hano ukomeze udukurikire kuri facebook , kuri twitter kanda hano, kuri youtube kanda hano, bizajya bikorohera guhita ubona amakuru yacu muburyo bwihuse.

 

Comments

comments




Leave a Reply

Your email address will not be published. Required fields are marked *