Yagiye gutega indege yambaye ubusa, abari kukibuga cy’indege baratungurwa(Amafoto)

0

Umugabo wo mu gihugu cya Afurika y’Epfo yatunguye abantu ku kibuga cy’indege mpuzamahanga cya Malawi ubwo yahageraga yambaye gusa akenda k’imbere afite ibikapu n’ibyangombwa bye by’inzira, ibi akaba yarabikoze nyuma yo kubura uko agira kuko yari yagiye koga akibagirwa imyenda yagombaga kwambara avuye mu mazi.

Uyu mugabo witwa Greig Bannatyne, yagaragaye ku kibuga cy’indege agiye gutega indege ya Sosiyete ya South African Airways. Yari avuye koga mu kiyaga cya Malawi, aho we na bagenzi be bari bagiye mu gikorwa cyo koga bagamije gukusanya inkunga yo gufasha abatishoboye.

Uyu mugabo uku niko yari yambaye ubwo yageraga ku kibuga cy'indege
Uyu mugabo uku niko yari yambaye ubwo yageraga ku kibuga cy’indege

Uyu mugabo yatangaje ko bagiye mu mazi bambaye imyenda y’imbere yo kogana bakagenda urugendo rurerure, hanyuma imodoka yagombaga kubageza ku kibuga cy’indege ikaza kubageraho akabona kwibuka ko imyenda yagombaga kwambara amaze koga yayibagiwe. Yahise afata icyemezo cyo kujya mu modoka yambaye gutyo kurinda ageze ku kibuga cy’indege.

Ubwo yageraga ku kibuga cy’indege, South Bannatyne yitegerejwe cyane n’abandi bagenzi ndetse ahatwa ibibazo n’abashinzwe umutekano w’ikibuga cy’indege, bamubaza impamvu yahageze atambaye. Nawe yabasobanuriye uko byagenze, yerekana ko amasaha yo guhaguruka yari yabasize kuburyo atari kubona n’uko ajya gushaka indi myenda agura.

naked

Itsinda ry’abakina umukino wo koga ryitwa Mad Swimmers ni ryo uyu mugabo abarizwamo, rikaba rikora ibikorwa bitandukanye byo koga bagamije gukusanya inkunga zifasha abana b’impubyi n’abandi bibasiwe n’ibibazo by’imibereho mibi.

naked

42,378 total views, 1 views today

Comments

comments

ANDIKA ICYO UTEKEREZA KURI IYI NKURU