Search

Young Grace yahaye imbabazi ikinyamakuru cyamusebeje mu rukundo na Njuga nyuma y’uko kizimusabye

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mu minsi ishyize nibwo hasakaye inkuru y’igihuha  ivuga ko umuhanzikazi Young Grace yaba ari murukundo n’umusore umenyerewe hano mu Rwanda mubyo gukina Filme Ngabo Leo(Njuga),iyi nkuru ikaba yarasakajwe cyane n’ibinyamakuru bibiri aribyo Touch Rwanda ndetse n’Umuryango bihamya ko koko uyu mukobwa yaba ari murukundo n’uyu musore.

Young Grace yababajwe cyane n’igihuha cyamuvuzweho bikuru we n’itangazamakuru

Iyi nkuru yababaje cyane uyu mukobwa kugeza naho atangaje ko agiye kujyana mu inkiko ibyo binyamakuru uko ari bibiri,ndetse no kubiregera RMC nk’ikigo gishinze ibitangazamakuru bikorera hano mu Rwanda.

Umusore Ngabo Leo(Njuga) wabeshyewe ko akundana na Young Grace

Nyuma y’iminsi itari mike ikinyamakuru Touchrwanda nkakimwe mu byatangaje iyo nkuru,cyanditse indi nkuru gisaba imbabazi uyu muhanzikazi ndetse n’abanyarwanda muri rusange bababajwe no kumva icyo gihuha.icyo kinyamakuru cyanditse inkuru igira iti” kunyomoza no kwisegura ku nkuru zanditswe kuri Young Grace na Njuga”.

Muri iyi nkuru nibwo iki kinyamakuru cyanditse gisaba uyu muhanzikazi imbabazi n’abakunzi bacyo,bagize bati” Nyuma yo kugaragarizwa ko inkuru twatangaje atari ukuri kandi birimo amakosa y’umwuga w’Itangazamakuru, ubwanditsi bw’ Ikinyamakuru Touch Rwanda burasaba imbabazi Young Grace na Njuga ku bwo kubatangazaho ibinyoma ndetse turanisegura ku basomyi bacu kuko batangarijwe amakuru atari ukuri”.

Bakomeje bagira bati” Ikinyamakuru Touch Rwanda kirisegura kandi ku uwaba yaragezweho n’ingaruka kubera izi nkuru, kibizeza ko bitazongera”.ibi iki kinyamakuru cyabitangaje mu inkuru cyanditse taliki 5 Mata 2018″.

Nyuma yiyo nkuru isaba uyu muhanzi imbabazi kubwo amakosa yakorewe n’iki kinyamakuru,Kuri uyu munsi taliki ya 16 Mata 2018 nibwo Young Grace nawe yatangaje ko ahaye imbabazi iki kinyamakuru nyuma yo kuba barakoze amakosa,bakayemera ndetse bakanayasabira imbabazi.

Aya ni amagambo Young Grace yanditse agaragaza ko ababariye iki kinyamakuru

Young Grace ni umwe mubakobwa bakorera umuziki hano mu Rwanda ,byumwihariko akaba ari n’umwe mu bakobwa bakunzwe cyane mu injyana ya Rap dore ko ari nayo aririmbamo.uyu mukobwa kuri ubu ni umwe mu bahanzi 10 bazitabira irushanwa rya Primus Guma Guma Super Star rigiye kuba  ku inshuro ya 8.

Young Grace ni umwe mu bahanzi 10 bazitabira PGGSS 8

 

Richard [email protected]

 

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.