Yvan Buravan yatandukanye na New Level mu ibanga rikomeye

Yvan Buravan uri mu bahanzi bagezweho cyane mu Rwanda, yamaze gutandukana na label yitwa New Level yamufashaga mu bikorwa bye bya muzika ariko akazakomeza gukorana na Bob Pro umutunganyiriza indirimbo z’amajwi (Audio).

Burabyo Dushime Yvan uzwi mu muziki nka Yvan Buravan yavuye muri New Leve, amakuru yizewe agera ku Ibyamamare.com avuga ko uyu muhanzi nyuma yo gutandukana na New Level bikagirwa ibanga kuri ubu ari gufashwa na Intore Bruce.

Kimwe mu bishingirwaho hemezwa ko uyu muhanzi yatandukanye na New Level, nuko akiyibarizwamo amashusho y’indirimbo ze zose yakorerwaga muri Press It ya Medy Saleh ariko kuri ubu indirimbo ze uhereye kuri ‘Low Key’ aherutse gushyira hanze zirigukorwa na Cedric Dric muri Dric Entertainment.

Ku musozo w’iyi ndirimbo Low Key, Buravan agaragaza abantu batandukanye bayigizeho uruhare ariko New Level ntaho igaragara kandi yari ikwiye kugaragazwa mu gihe yari kuba akiyibarizwamo.

Uyu Bruce Intore urigufasha Buravan kuri ubu niwe usanzwe afasha na Meddy ndetse akaba n’umufatanyabikorwa wa Dric Entertainment.

Mu mwaka wa 2017 nabwo Buravan yasezeye muri New Level avuga ko agiye kwikorana ariko nyuma y’amezi atanu gusa yongera kuyizubiramo bakomeza gukorana.

Reba hano indirimbo nshya ya Buravan ‘Low Key’ 

 

 

Tanga Igitekerezo ukoresheje Facebook

SHARE