Search

Zambie: Umukecuru w’imyaka 74 yagiye gutangira ishuri ngo nawe adakomeza gusaza atazi gusoma no kwandika

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mu gihugu cya Zambia, umukecuru uzwi ku izina rya Maria yafashe umwanzuro wo kujya ku ishuri mu rwego rwo kurwanya ubujiji no kutamenya gusoma no kwandika bituma ashimwa by’intangarugero ku bw’umwanzuro mwiza yafashe.

Ubuyobozi bw’ishuri uyu mukecuru yagiye gutangirira mo amasomo ye, aho ari kwigana n’Abana bato bacyigishwa gusoma ndetse na bamwe muri bo bakaba batangiye kuba inshuti ze magara, bwafashe icyemezo cyo kumushimira byimazeyo kubera kwihangana yagize ubwo yafataga icyemezo cyo gutangira ishuri atitaye kumyaka ya balimu bazamwigisha bangana nabuzukuru be.

Maria ajya gutangira ishuri yagiyeyo afite intego yo kurwanya ubujiji bwo kutamenya gusoma no kwandika, bityo igihe yaba yarabimenye bikamufasha kwikemurira ibibazo byo kwandika ndetse no gusoma ubutumwa butandukanye yakiriye byiyongeyeho kumenya n’amerekezo y’aho agiye igihe afashe urugendo.

Kujya gutangira ishuri kwe byatangaje benshi bamubonye mu mwenda wishuri ari kumwe n’abandi bana bigana,doreko hari nababyise amarorerwa yo kubona umukecuru yigana n’Abana bato bangana nabo abuzukuru be babyaye, gusa hagati aho abenshi muri bo harimo n’ubuyobozi bw’Ishuri bakomeje ku mushimira no kumwongerera imbaraga mu masomo ye.

Hon Buumba Malambo, umuyobozi w’ishuri uyu mukecuru yagiye kwigaho, watangaje aya makuru yagize ati:”Birashoboka cyane” Turashimira cyane nyogokuru Maria, dukwirakwiza iyi nkuru nziza. Umunyeshuri wacu wa mbere ukuze cyane mu mushinga wacu wa Azimai Apunzile wemeye no gutera inkunga nyogokuru Maria ngo yige abashe no kwandika izina rye ku myaka ye 74 y’amavuko.

Yakomeje Agira Ati” Ubwo yari amaze kumenya uko bafata ikaramu y’igiti (Pencil), narijijwe n’ibyishimo. Yahatse umugabo afite imyaka 14 yonyine, kandi mu buzima bwe ntiyari yarigeze agera mu ishuri. Akigera mu ishuri, intego ye ya mbere yari iyo kumenya nibura kwandika izina rye mbere y’uko apfa, kandi yabigezeho ku bufatanye n’uyu mushinga.”

Ubuyobozi bw’iri shuri bwanavuze ko Maria akwiye kubera urugero abandi bose banga gusubira ku mashuri ngo imyaka yarabasize kandi bagifite amahirwe yo kwiga bakunguka ubundi bumenyi bwo kumenya gusoma no kwandika bimwe mu bintu byibanze bigezweho muIsi ya none.

Maria n’umwana bigana mu mwambaro w’Ishuri

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.