Search

Zimbabwe hakomeje gukorwa iperereza z’uyuryo Grace Mugabe yahawe impamyabumenyi y’ikirenga ya PhD

IBM Radio Listen Live

KANDA HANO UREBE VIDEO

Urwego rushinzwe kurwanya ruswa muri Zimbabwe ruri gukora iperereza ku mugore wa Robert Mugabe, Grace Mugabe niba yarabonye impamyabumenyi y’ikirenga mu buriganya.

Grace Mugabe umugore w’uwahoze ari perezida wa Zimbambwe Robert Mugabe akomeze gukurikiranywa n’inzego zishyinzwe iperereza kubya ruswa muri icyo gihugu

Ikinyamakuru cyo muri Zimbabwe cya leta kitwa The Herald kivuga ko Madamu Mugabe yakoze ubushakashatsi mu bigo by’abana.

Yahawe impamyabumenyi y’ikirenga bita PhD, nyuma y’amezi macye amaze kwiyandikisha muri kaminuza kandi ubundi iyi mpamyabumenyi isaba imyaka myinshi y’ubushakashatsi.

Mu kwezi kwa Cyenda, yabwiye inama y’ishyaka riri ku butegetsi ko yahawe impamyabumenyi y’ikirenga n’ubwo abamurwanya babishidikanyaga.

Yahawe iyo mpamyabumenyi y’ikirenga muri University of Zimbabwe muri 2014.

Itangazamakuru muri Zimbabwe riravuga ko ubushakashatsi avuga ko yakoze kugira ngo ahabwe iyo mpamyabumenyi, butagiye ahagarara. Bitandukanye n’ibisanzwe bikorwa.

Goodson Nguni, umuyobozi wa Komisiyo yo kurwanya ruswa muri Zimbabwe yabwiye ibiro ntaramakuru Reuters ati:”Ni byo twabonye amakuru ava mu ishami ryiga iby’imibanire y’abantu ku buryo Grace Mugabe yahawe impamyabumenyi y’ikirenga kandi ibyo ni byo turi gukoraho iperereza.”

Ubwo Robert Mugabe yahaga impamyabumenyi ya PHD umugore we Grace Mugabe

Madamu Mugabe yambitswe ikamba rya PhD n’umugabo we bwite, wahoze ari perezida wa Zimbabwe, Robert Mugabe, wahoze ari n’umuyobozi mukuru wa University of Zimbabwe.

Madamu Mugabe yizeraga kuzasimbura umugabo we ku butegetsi, ariko abatarashyigikiye iki gitecyerezo mu ishyaka rya Zanu-PF barabyamaganye.

Byateye igisirikare guhaguruka gihatira Bwana Mugabe kwegura ku butegetsi, birangiza imyaka 37 yari abumazeho.

Uwari umwungirije Emmerson Mnangagwa, yahise agirwa perezida wa Zimbabwe akaba ari nawe uyoboye iki gihugu kugeza ubu.

 

Richard [email protected]

 

Comments

comments




Leave a Reply

Your email address will not be published. Required fields are marked *