Abadepite beguje perezida Donald Trump

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Inteko ishinga amategeko ya Leta zunze ubumwe za Amerika yemejeko, Donald Trump atakarizwa icyizere akavanwa ku mwanya wa Perezida wa Amerika.

Abadepite batoye ku byaha bibiri aregwa – gukoresha nabi ububasha bwe no kubangamira inteko.

Amatora ku ngingo y’uko Trump akoresha nabi imbaraga afite nka Perezida, Abadepite 230 batoye babyemeza, batsinda 197 babihakanye, indi ngingo ugusuzugura Inteko (Congress), no kubangamira abamukoragaho iperereza, abagera kuri 229 batoye bashyigikira ko Trump atakarizwa ikizere, 198 batora babihakana.

Sena ya Amerika nayo nitora iyeguzwa rya Trump azahita ava muri White House

Igisigaye ni ugutanga kiriya kemezo no kugisobanurira Sena  ya USA na yo ikabyigaho ikaba yafata ikemezo cya nyuma ku iyeguzwa rya Donald Trump.

Sena izabyigaho muri Mutarama, 2020.

Trump abaye Perezida wa Gatatu mu mateka ya USA utakarijwe ikizere n’Inteko ishinga Amategako nyuma ya  Perezida Richard Nixon na  Bill Clinton.

Perezida Bill Clinton we Sena yaje kwanga kumweguza. Nixon we yagize amakenga ahitamo kwegura ataratakarizwa ikizere n’Inteko.

Nyuma yo kumenya ko Abadepite bamweguje, Trump yavuze ko ibyo bakoze ari “ubusazi”.

Mu ibaruwa yandikiye Perezida w’inteko ya USA, Nancy Pelosi kuri uyu wa Kabiri yamubwiye ko we n’Aba-Democrates nibamweguza amateka azabibabaza.

Umwanzuro wo kweguza Donald Trump uje nyuma y’iperereza ryakozwe ku ngingo ebyiri zikomeye zirimo kuba yarashyize igitutu kuri Perezida wa Ukraine ngo atangize iperereza kuri Joe Biden (uyu arashaka kuyobora USA).

Ibyo Trump yakoze ntibyemewe, ko Perezida wa USA aperereza ku muntu bazahangana mu matora, akabikora ashyize igitutu ku gihugu cy’amahanga.

Mu bindi aregwa ni uko ngo yakoranye n’U Burusiya kugira ngo bumufashe gutsinda amatora yo muri 2016 yari ahanganyemo na Hillary Clinton.

Perezida w’Inteko ishinga amategeko, Umutwe w’Abadepite, Nancy Pelosi yarangije gutangaza ibyavuye mu matora, ahita avuga ko gutora ko Trump ATAKARIJWE ikizere ari ‘inkuru nziza kuri USA no ku itegeko nshinga ryayo.’

Yagize ati: “ Ni ibyishimo kandi ni ishema kuri jye no ku ba-Demukarate muri rusange kubera ibyabaye uyu munsi. Ntawe twasabye gutora mu buryo runaka ahubwo icyo twabonye ni icyayavuyemo. Twabonye ibyo intumwa za rubanda zifuzaga.”

Mbere y’uko amatora atangira, Pelosi yasabye bagenzi be kwirinda kuza kwishimira mu ruhame “iyeguzwa” rya Trump, abasaba kuza gutuza.

Abagerageje kuvuza ibikobwakobwa bamaze kumva ko Trump ‘ATEREWE IKIZERE”, Pelosi yabasabye kubireka.

Nancy Pelosi , Perezida w’Inteko ishinga amategako ya USA, Umutwe w’Abadepite

Inteko ishinga amategeko ya USA iyo itakarije ikizere Umukuru w’igihugu ikamweguza, ibisigaye ibiharira abagize Sena bakazasuzuma ishingiro ry’iyeguzwa ryasabwe n’Abadepite, bakaba babishyigikira cyangwa ntibabishyigikire.

Amahirwe kuri Perezida Donald Trump ni uko abagize Sena benshi ari abo mu ishyaka rye, rya Republicans.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO