Abakinnyi b’ikipe ya APR FC bavuye aho bakoreraga umwiherero buri umwe yitwaye mu modoka ye (Amafoto)

Abakinnyi n’abakozi b’ikipe y’Ingabo z’u Rwanda APR FC batashye bamwe bagenda mu modoka zabo. Ni ikimenyetso cy’uko iyi kipe ihemba neza kandi igahemba agatubutse.

aba bakinnyi barimo Tuyisenge Jacques, bagaragaye bari mu modoka zabo basohoka kuri Hotel aho bari bamaze iminsi bari mu mwiherero i Shyorongi mu Karere ka Rulindo.

Rutahizamu Tuyisenge Jacques asezera kuri myugariro Ndayishimiye Dieudonne

Tuyisenge Jaques uri mu bafite imodoka nziza kandi ihenze, yatashye yitwaye muri Toyota Rav 4 izi zigezweho kandi bigaragara ko ikiri nshya.

Na Mutsinzi Ange watahanye na Nshuti Innocent, na bo batashye bitwaye mu modoka ya Toyota Rav 4 mu gihe Buregeya Prince we yagiye muri Mercedes Benz.

Abandi bakinnyi bacyuwe n’imodoka y’iyi kipe isanzwe itwara abakinnyi ya gisirikare.

Myugariro Buregeya Prince asohoka kuri Hotel

Aba bakinnyi b’ikipe ifite igikombe cya Shampiyona ya 2019-2020, batashye nyuma y’igihe gito Minisiteri ya Siporo ihagaritse shampiyona ya 2020-2021 kubera ko amwe mu makipe yari yatangiye kugaragaraho kudohoka ku mabwiriza yo kwirinda icyorezo cya COVID ndetse bamwe mu bakinnyi bayo barayanduye.

Abakinnyi ba APR batashye babanje gusuzumwa iki cyorezo mu gihe iyi ari yo kipe yanagaragaje kubahiriza amabwiriza yari yashyizweho arimo gupimisha abakinnyi mu buryo buhoraho.

Itangishaka Blaise na Bukuru Christopher batashye

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE