Abakobwa 6 bazaseukira Intara y’Uburengerazuba muri Miss Rwanda 2020 bamenyekanye (Amafoto)

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Urugendo rwo gushakisha umukobwa uzaba Miss Rwanda 2020 rwatangiriye mu Ntara y’Uburengerazuba, mu karere ka Rubavu kuri uyu wa Gatandatu taliki 21 Ukuboza 2019.

Muri aka gace hiyandikishije abakobwa 50 baturutse mu turere turindwi tugize Uburengerazuba aritwo Karongi, Nyabihu, Rubavu, Rusizi, Ngororero, Nyamasheke na Rutsiro, abagaragaye ahaberaga ijonjora ni 31, abagera kuri 13 bari bujuje ibisabwa nibo banyuze imbere y’akanama nkemurampaka havamo 6 bagomba guserukira iyi Ntara.

Abakobwa 6 bazaseukira Intara y’Uburengerazuba muri Miss Rwanda 2020

Abakobwa batandatu batowe ni Akaliza Hope (No.7), Uwamahoro Phoebe (No.11), Uwimana Joyeuse (No. 6), Umutesi Denise (No.2), Umuratwa Anitha (No.10), Uwase Aisha (No.1).

Abagize akanama nkemurampaka barimo Umurerwa Evelyne, Mike Karangwa na Miss Mutesi Jolly babajije abakobwa bose uko ari 13 babanyuze imbere bitewe n’ururimi buri wese yiyumvamo.

Ibibazo byagarutsweho byibanze ku bumenyi rusange, umuco Nyarwanda n’amakuru agezweho hirya no hino. Buri wese yabazwaga icyamuteye kwitabira irushanwa rya Miss Rwanda 2020.

Mu mishinga abakobwa benshi bagaragaje bibanze ku kibazo cy’inda zitateganyijwe ziterwa abangavu ndetse n’icy’ibiyobyabwenge biri mu bikomeje koreka urubyiruko rwinshi ndetse kikaba gihangayikishije Leta y’u Rwanda. Babazwaga icyo bahindura mu buryo bihashywamo.

Nyuma y’ijonjora ryabereye i Rubavu, biteganyijwe ko ku wa 28 Ukuboza 2019 rizakomereza i Musanze, tariki 4 Mutarama 2020 i Huye mu Ntara y’Amajyepfo, i Burasirazuba mu Karere ka Kayonza ni ku wa 11 Mutarama 2020 ; amajonjora azasorezwa i Kigali tariki 18 Mutarama 2020.

Igikorwa cya Miss Rwanda kizasozwa tariki 22 Gashyantare 2020 aribwo hazamenyekana uwegukanye ikamba rya Nyampinga w’u Rwanda 2020 asimbuye Nimwiza Meghan ufite irya 2019.

Wabanzaga kwiyandikisha, hakarebwa niba wujuje ibisabwa
Mu bakobwa 50 biyandikishije, ahaberaga irushanwa hageze 31, naho 13 nibo banyuze imbere y’abagize akanama nkemurampaka

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO