Airtel Rwanda yinjiye mu bukangurambaga bwa Polisi y’igihugu bwa “Gerayo Amahoro” (Amafoto)

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Kuri uyu wa Gatatu tariki 04 Ukuboza sosiyete y’itumanaho ya Airtel Rwanda yinjiye mu bukangurambaga bwa Polisi y’Igihugu buzwi nka “Geray Amahoro” bugamije gukangurira abakoresha umuhanda kwitwararika no guca impanuka zitwara ubuzima bw’abantu.

Ubu bukangurambaga bugeze mu cyumweru cya 30 muri 52 bugomba kumara, ikigo cy’itumanaho cya Airtel Rwanda nacyo ntabwo cyasigaye mu gufatanya na Polisi y’u Rwanda basaba abafatabuguzi babo kwirinda impanuka zo mu muhanda bakagera aho bagiye Amahoro.

Airtel yatangiriye ubu bukangurambagabutangirije muri gare ya Nyabugogo ahahurira imodoka zitwara abagenzi berekeza mu mpande zose z’igihugu.

Umuvugizi wa Polisi y’u Rwanda, CP Kabera  Jean Bosco yabwiye abari aho yibukije abatwara ibinyabiziga kugendera ku mategeko y’umuhanda kuko impanuka nyinshi ziba ku Isi zituruka ku myumvire y’abakoresha umuhanda nabi.

Yanibukije abanyamaguru ko nabo bakwiye kugira uruhare mu kubahiriza umutekano wo mu muhanda bubahiriza amategeko.

Ati “Icyagaragaye ni uko ku rwego mpuzamahanga impanuka ziterwa cyane cyane n’imyumvire, cyangwa n’izihitana abantu zigomba kwirindwa. Turagira ngo rero imyumvire yacu ihinduke, tumenye ko umushoferi utwaye ikinyabiziga agomba kugira ibyo yirinda. Akagendera ku muvuduko wabugenewe, akirinda kuvugira kuri telefone, akirinda kurangara, akirinda kugenda nabi mu muhanda, akirinda kudaha abandi uburenganzira bwabo mu muhanda, ibyo abikoze yakura abagenzi hano akabageza aho bagiye mu mahoro.”

Tony Kuramba ushinzwe urwego rw’ubwikorezi muri RURA yibukije abagenzi ko bafite uburenganzira bwo gutwarwa neza kandi ko mu gihe babonye umushoferi utubahiriza amategeko bashobora kumutanga agahanwa.

Umuyobozi wa Airtel Rwanda, Amit Chawla nawe yunze mu rya Polisi y’u Rwanda yibutsa abakiriya babo ko n’ubwo babashyiriyeho uburyo bwo guhamagara bisanzuye ku giciro gito, bakwiye kureka gukoresha telefone zabo mu gihe batwaye ibinyabiziga cyangwa bambuka umuhanda.

Ati “Twabashyiriyeho ipaki ya ‘Tera Story’ bivuze ko ushobora kuganira wisanzuye ariko uyu munsi turabasaba kuba muretse gukoresha telefone mu gihe mutwaye ibinyabiziga cyangwa se mwambuka umuhanda.”

Uyu muyobozi yavuze ko Airtel izakomeza kwibutsa abakiriya bayo ubutumwa bujyanye n’ubukangurambaga bwa “Gerayo Amahoro” binyuze ku mbuga nkoranyambaga zabo no kohereza ubutumwa bugufi.

CP Kabera Jean Bosco umuvugizi wa Polisi y’u Rwanda atanga ubutumwa mu bukangurambaga bwa ‘Gerayo Amahoro’.
Amit Chawla umuyobozi mukuru wa Airtel Rwanda atanga ubutumwa mu bukangurambaga bwa ‘Gerayo Amahoro’.

Niringiyimana waharuye umuhanda w’ibirometero birindwi wenyine, akaba aherutse kugirwa Ambasaderi wa Airtel muri gahunda ya Tera Story nawe yari mu bitabiriye ubu bukangurambaga.

 

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE