Ambasaderi Olivier Nduhungirehe avuga ko Umunyamakuru Viateur Kalinda ariwe wogeje umupira neza kurusha abandi babayeho mu Rwanda kugeza ubu.

Umunyamabanga wa Leta muri Minisiteri y’ububanyi n’amahanga akaba ashinzwe n’ibikorwa by’Umuryango w’Africa y’i Burasirazuba( EAC) Amb Olivier Nduhungirehe avuga ko Viateur Kalinda wahoze ari umunyamakuru wa ORINFOR ariwe wogeje umupira neza kurusha abandi babayeho mu Rwanda kugeza ubu.

Viateur Kalinda ni umwe mu bishwe muri Jenoside yabakorewe Abatutsi muri Mata 1994.

Viateur Kalinda wahoze ari umunyamakuru wa ORINFOR

Nduhungirehe yabwiye Ikinyamakuru Umuseke ko iyo Viateur Kalinda yogezaga umupira ukamukurikira uri iwawe wumvaga ntacyo uwagiye muri stade akurusha.

Ati: “Viateur ni we munyamakuru navuga uruta abandi mu mateka y’u Rwanda mu kuvuga umupira w’amaguru. Iyo umupira watangiraga, uwabaga yumva radio iwe mu rugo yabaga ameze nk’uwicaye muri stade.”

Avuga ko yari azi gusobanurira abakurikiye Radio Rwanda aho buri kipe ikina yerekeza, hanyuma agakomeza kubwira abamukurikiye aho umupira ugeze, uwufite, uwo awambuye, niba ugeze mu bakabiri, niba warenze umurongo w’aba gatanu…agasobanura neza uko umupira ugenda ‘bigatuma umukurikiye yumva ko yicaye muri stade.’

Ambasaderi Olivier Nduhungirehe avuga ko Viateur Kalinda ari we wahimbye amagambo azwi mu mupira w’amaguru mu Rwanda nka: ‘Ruhago naRwanyeganyeze.

Ikindi gituma avuga ko Kalinda ari we wa mbere mu banyamakuru bogeje umupira mu Rwanda kugeza ubu ni uko ngo yari azi kuvuga umupira nta rusaku.

Kalinda yabaga yagize impamvu ituma atogeza, ngo “abasanzwe batega amatwi umupira kuri radio bakumva urabishye”.

Iyo wogezwaga n’uwitwa Nzabonimpa Abdallah ngo ntiwabaga uryoshye nk’uko byabaga bimeze Viateur Kalinda yawogeje.

Min Nduhungirehe avuga ko yaba Abdallah cyangwa  Joel (na we yajyaga usimbura Kalinda) nta n’umwe waryoshyaga umupira nka we.

Asaba abanyamakuru bo muri iki gihe kwigira ku byaranze Viateur Kalinda mu kazi ke.

Tanga Igitekerezo ukoresheje Facebook

SHARE