Bobi Wine byamukomeranye kubera imodoka bivugwako itamenwa n’amasasu yinjije muri Uganda

Bobi Wine ukuriye ishyaka ritavugarumwe n’ubutegetsi muri Uganda ari mu bibazo kubera imodoka bivugwa ko itamenwa n’amasasu afite, nk’uko bivugwa n’ikinyamakuru Daily Monitor.

Abategetsi muri Uganda bari kwita kuri iyi modoka, aho ikigo gishinzwe imisoro (URA) kivuga ko amakuru yatanzwe kuri yo atari yo, bityo yahawe agaciro ko hasi.

Abategetsi muri Uganda bari kwita kuri iyi modoka, aho ikigo gishinzwe imisoro (URA) kivuga ko amakuru yatanzwe kuri yo atari yo, bityo yahawe agaciro ko hasi.

Byatumye icyo kigo gitumaho iyo modoka ngo yongere ikorerwe igenzura.

Bobi Wine, amazina ye nyakuru ni Robert Kyagulanyi, we ariko yanze gusubizayo iyo modoka kuko kuyitumiza nanone ngo bidakurikije amategeko, nk’uko iki kinyamakuru kivuga ko yabitangaje.

Kyagulanyi ashingira ku itegeko rivuga ko nta bubasha icyo kigo gifite bwo kongera gusuzuma ikintu cyaciye mu bubiko bwacyo kigasuzumwa ngo gisoreshwe imisoro yacyo igatangwa nacyo kigahabwa uwasoze.

Iyi modoka iheruka kwinjizwa mu gihugu ariko umwaka ushize yari ibaruye muri Kenya, nyuma yinjizwa muri Uganda iciye ku mupaka wa Busia.

Bobi Wine yatsinzwe amatora ya perezida aheruka, amatora yavuzwe ko yaranzwe n’uburiganya n’urugomo rurimo kwica abo ku ruhande rw’ishyaka rye.

Mu minsi ishize yaretse ikirego yari yaratanze mu rukiko cyo kuburana ku byavuye mu matora aho Perezida Yoweri Museveni yatsindiye manda ya gatandatu.

Mu butumwa yatanze ku mbuga nkoranyambaga tariki 21 z’ukwezi kwa kabiri, Bobi Wine yavuze ko iyo Toyota Land Cruiser y’umutamenwa yayihawe nk’impano n’inshuti ze zimushyigikiye zo muri Uganda no mu mahanga.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE