“Bomboclat” indirimbo yateje amahari hagati ya Finegold na NTZYO bi Rubavu

Umuhanzi w’Umunyarwanda Theotune Nsabimana wiyita Finegold mu muziki yashyize hanze indirimbo yise “Bomboclat” yakoranye na Didros n’umuraperi NTZYO indirimbo yateje impaka ikigera hanze.

N’indirimbo ibyinitse iri mu njyana ya Afro beat,indirimbo yo gushyira ibicu abanyabirori yatunganyijwe na Producer Ganza wo mu karere ka Rubavu, ikigera hanze hacicikanye amakuru aho abahanzi barimo Finegold na NTZYO bitanye bamwana umwe avuga ko iyo ndirimbo ari iye.

Mw’itangira ry’ikorwa ryiyi ndirimbo amakuru yizewe avuga ko ar’umushinga war’uhuriyemo aba bahanzi batatu ariko uwitwa NTZYO aza kubaca ruhinganyuma yegera Producer ashaka kuyikora wenyine ibyabyuye uburakari maze uyu Finegold ahitamo kuyishyira hanze ndetse atanga gasopo ko NTZYO nahirahira gushyira hanze iyo yakoze wenyine (Yibye nk’uko uyu Finegold abivuga) bazakizwa na mbuga !

Finegold ukomeje kuzamura urwego mu njyana ya Afrobeat

Ibyamamare.com mu kumenya neza imvano yaya makimbirane twegereye Finegold wamaze gushyira indirimbo “Bomboclat” hanze dore ko iri ku rubuga rwe rwa youtube adusubiza ati :

” NTZYO yarampemukiye ,sinarinzi ko yahindukira ngo agende akore indirimbo wenyine kandi twarayihuriyemo, avuga ko nananiwe kwishyura videwo gusa sibyo kuko njye namuhaye amafaranga yo gukora amashusho,nanze agasuzuguro nashyize indirimbo hanze kandi n’iyanjye ”

Ubwo NTZYO ku munsi wo kuwa gatatu ahasaga isaa 11h30 yaganiraga n’umunyamakuru wa IBYAMAMARE.COM kuri studio yakorewemo iyi ndirimbo yagize ati :

“Naratunguwe bashyize indirimbo hanze,njye nahisemo kuyikora njyenyine kuko nababwiye ibyo gukora amashusho nkabona nta gahunda bafite gusa ndabegera tuganire nk’abantu bakuru”

Urupapuro rutangaza indirimbo Bombocat NTZYO yakoze wenyine nyuma yo gusiba bagenzi be bari bayikoranye mbere

Producer Ganza wakoze iyi ndirimbo we mu magambo macye ati “Indirimbo ni iya nyirayo ”

Uyu Finegold avuga ko ubu imyiteguro yo gukora amashusho yiyi ndirimbo irimbanyije kandi ko izaza ari nziza cyane

“Amashusho ni vuba,ubu twamaze gupanga aho tuzayafatira ndetse n’uzayatunganya,abakunzi ba muzika bitegure videwo nziza kandi ikoze neza ”

Uyu muhanzi mu kiganiro na Ibyamamare.com yasoje asaba abahanzi kubahana ndetse no kutica amasezerano kuko bishobora kubateranya kandi bagakwiriye guhuza imbaraga bakarushaho kwigarurira abakunzi impande n’impande.

Byaciyemo indirimbo nshya Finegold yitegura gushyira hanze

Kanda hano wumve Bomboclat by Finegold ft Didros& NTZYO

Tanga Igitekerezo ukoresheje Facebook

SHARE