Canary Mugume umunyamakuru ukunzwe muri Uganda, yambitse impeta umukunzi we nyuma y’imyaka 5 bahujwe n’impanuka(Amafoto)

Canary Mugume, umunyamakauru wa Nbs TV ukunzwe cyane muri  Uganda, yambitse impeta umukunzi we bamaze imyaka 5 bari mu munyenga w’urukundo.

Mugume abinyujije kuri twitter ye yagize ati “Yavuze Yego.”

Mugume yambitse impeta umukunzi we bamaze igihe bakundana

Aya magambo uyu munyamakuru yanditse yahise ayahererekesha amafoto amugaragaza yateye ivi yambika impeta umukunzi we Sasha Naggi bamaranye imyaka itanu bakundana bavugako bahuye ubwo uyu mukobwa yakoraga impanuka uyu munyamakuru akamutabara maze urukundo rutangira ubwo.

Aba bombi bamenyanye bataraba ibyamamare, kuri ubu uyu Mugume ni umunyamakuru ukora inkuru zicukumbuye kuri televiziyo ya Nbs naho uyu mukobwa afite kompanyi y’imideli nayo imaze kwamamara cyane muri Uganda.

Aba bombi bavugako bahujwe n’impanuka uyu mukobwa yari yakoze

Sasha Naggi, ububabare yahuye nabwo ubwo yakoraga impanuka bwatumye anashinga umuryango utegamiye kuri leta Draw A Smile Uganda, utabara imbabare wibanda ku guha imbaraga no kwigisha abakobwa bakiri bato kwihangira imirimo no kubyaza umusaruro impano zabo.

Iyi couple yatangiye gukundana muri 2015

Tanga Igitekerezo ukoresheje Facebook

SHARE