Charly na Nina barashinja Muyoboke Alex kubatangira indirimbo ‘Ibirenze ibi’ baherutse gushyira hanze

Nyuma y’iminsi mike itsinda rya Charly na Nina bashyize hanze indirimbo nshya bise “Ibirenze ibi” kuri ubu bararebana ayingwe n’uwahoze ari umujyanama wabo Muyoboke Alex bavuga ko yatanze iyi ndirimbo ku muhanzi mushya witwa Gloria Bugie washyize hanze indi bisa neza neza.

Kuri uyu wa Gatanu nibwo umuhanzikazi Gloria Bugie yashyize hanze indirimbo yitwa “Ibirenze ibi” isa n’iyi ya Charly na Nina guhera ku magambo ayigize kugeza kuburyo icuranze.

Charly na Nina bavuga ko umushinga w’iyi ndirimbo ‘Ibirenze ibi’ batangiye kuwukora Alex Muyoboke akiri umujyanama wabo, icyo gihe ngo ntabwo yasohotse kuko amashusho yayo bari barafashe atari meza bemeza ko bazayasubiramo ari byo byatumye itinda.

Kuba nyuma y’ibyumweru bibiri bayishyize hanze hagahita humvikana undi muhanzi usohora indi bisa neza ngo ntawundi babishinja utari Muyoboke Alex.

Nina yagize ati “Indirimbo twari tuyifite cyera tukiri kumwe na Alex Muyoboke ubwo wenda yayitanze. Indirimbo tuyimaranye imyaka itatu. Twari twaranayikoreye na video ariko video yari mbi cyane bigize impamvu yatumye tutayisohora.

Nonese wowe urumva ari inde koko? Nkubwiye ko indirimbo tuyimaranye imyaka itatu. Indirimbo yari ifite amashusho. Kuba umuntu yafashe indirimbo y’undi muntu akayitanga hari ibindi bintu biba byihishe inyuma (aravuga Alex Muyoboke). Ibyo ng’ibyo ni byo ashaka reka abigereho.”

Muyoboke Alex we yanyomoje ibi Nina yatangaje avugako igihe avuga bakoreye iyi ndirimbo atari agikorana nabo, anavuga ko ntabyinshi yatangaza kuri iyi nkuru kuko afite ibindi bimuhugije.

Umuhanzi Gloria Bugie nawe washyize hanze indirimbo ‘Ibirenze ibi’ isa n’iya Charly na Nina avuga ko hari hashize umwaka urenga atangiye umushinga w’iyi ndirimbo, yawutangiye muri Mutarama 2019.

Yemeza ko indirimbo ariye ahubwo atazi ukuntu bayimwibye, yemeza ko yayikorewe na Iyzo. Ati : “ntabwo nabyakiriye neza kuko narinzi ko ari iyanjye. Ntabwo nagombaga kuvuga byinshi ahubwo nagombaga kuyisohora, indirimbo zikivugira.”

KANDA HANO WUMVE INDIRIMBO Z’ABA BAHANZI UKUNTU ZISA:

Umuhanzikazi Gloria Bugie avuga ko atazi uburyo Charly na Nina bamutwariye indirimbo.
Charly na Nina bashinje Muyoboke kubatangira indirimbo.
Muyoboke Alex

 

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE