Clarisse Karasira yakoze indirimbo ishimagiza umusaza Tito Rutaremara

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Umuhanzikazi ukora injyana gakondo Clarisse Karasira yashyize hanze indirimbo yise “Rutaremara” yatuye Hon Tito Rutaremara nk’ikimenyetso cyo kumushimira urukundo yamweretse.

Iyi ndirimbo yagiye hanze kuri uyu wa Gatatu tariki 25 Ugushyingo 2020. Amajwi yatunganyijwe na Jimmy mu gihe amashusho yakozwe na Gerard Kingsley.

Clarisse Karasira yashyize hanze indirimbo yise “Rutaremara” yatuye Hon Tito Rutaremara

Ni indirimbo yumvikanamo cyane umudiho gakondo, ikaba irimo amagambo ashimagiza umusaza Tito Rutaremara umwe mu nararibonye u Rwanda rufite akaba yaranahoze ari umusenateri.

Mu mashusho y’iyi ndirimbo hanagararamo uyu musaza watumye Clarisse Karasira akora mu nganzo.

Clarisse Karasira yavuze ko yahimbye iyi ndirimbo agamije gushimira Tito Rutaremera wirengagije icyubahiro asanzwe afite mu gihugu akamwereka urukundo akanamushyigikira mu muziki we.

Ati “Ni umwe mu bantu benshi banteye imbaraga banyereka urukundo ruhambaye yaba ibyo abantu babonye yaba n’ibindi byacu bisanzwe. Ni umubyeyi w’umunyacyubahiro kandi wabashije kwereka abantu ko umuntu ashobora kureka ibyubahiro bye agatera ishyaka umwana ukora inganzo.”

Umuhanzikazi ukora injyana gakondo Clarisse Karasira

Uretse Tito Rutaremara, Clarisse Karasira yashimiye abandi bantu biganjemo abahanzi nka Cecile Kayirebwa, Nyiranyamibwa, Kamaliza,  Alain Muku wabaye umujyanama we, abayobozi nka Senateri Nyirasafari Esperance, Umunyabanga Mukuru wa OIF Louise Mushiwabo n’abandi.

Clarisse Karasira avuga ko akimara kubwira Tito Rutaremara ko yamukoreye indirimbo yishimye cyane we n’umuryango we ndetse biranabatungura.

Ati “ Ayumvise yarishimye aranezerwa, arambwira ati ‘nari nzi ko ari ibintu biri aho, aranezerwa we n’umuryango we narayibamurikiye barishima cyane nanjye bintera imbaraga.

Iyi ndirimbo isohotse mu gihe Clarisse Karasira ari kwitegura gushyira hanze alubumu ye ya mbere yise “Inganzo y’Umutima”, anizihiza imyaka ibiri amaze mu muziki.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO