Daliso Chiponda, Sengazi, Missed call, Feu rouge n’abandi banyarwenya batandukanye banyuze abitabiriye Seka Live

Ku mugoroba wo kuri iki Cyumweru nibwo muri Marriott Hotel habereye igitaramo cy’urwenya cya Seka Live gisoza ukwezi kwa Mutarama. Abanyarwenya batandukanye bari bayobowe n’Umunyamalawi, Daliso Chiponda banyuze abitabiriye mu nzenya zitandukanye.

Seka Live n’igitaramo ngaruka kwezi cy’urwenya kimaze kwigarurira imitima ya benshi mu bakunzi ba comedy, kiba buri cyumweru cyanyuma cy’ukwezi.

Igisoza ukwezi kwa Mutarama 2020 ari nacyo cya mbere kibaye muri uyu mwaka, cyari cyatumiwemo Daliso Chiponda nk’umushyitsi w’Imena, Idris Sultan wo muri Tanzania ariko utarabashije kuhagera agasimbuzwa umugande Daniel Omala, Michael Sengazi, Arthur Nkusi, Zaba Missed Call n’abandi bakizamuka muri uyu mwuga wo gusetsa.

Aba banyarwenya bose batembagaje abari bitabiriye iki gitaramo mu nzenya zitandukanye.  Umugore witwa Feu Rouge wari ugaragaye bwa mbere muri ibi bitaramo bya Seka Live, yatangiye gusetsa abantu bacyumva ijwi rye gusa bitewe n’uburyo avuga nk’abantu bo mu Majyaruguru.

Arthur Nkusi ari nawe wari uyoboye iki gitaramo nawe yanyuzagamo agasetsa abantu bari buzuye icyumba cya Marriott Hotel. Yavuze ukuntu iyo umubyeyi abyaye imfura abantu bahita bamwita Papa/mama bakongeraho izina ry’uwo mwana, yabyara ubucura agahita afata izina ry’uwo noneho mu gihe bose bamaze gukura ngo ahita afata izina ry’uwakize muri bose.

Michael Sengazi uherutse kwegukana igihembo cya Prix RFI Talent du Rire ni we wabanjirije umushyitsi w’Imena asetsa abantu mu rwenya rw’ibanze ku rugendo rwo kujya ku murikira Perezida Nkurunziza iki gihembo.

Daliso Chiponda wo muri Malawi ariko uba mu Bwongereza wabaye uwa gatatu mu irushanwa rya Britain’s Got Talent yasekeje abari aho bikomeye, yatangiye yishimira kuba u Rwanda aricyo gihugu ataramiyemo bwa mbere ku mugabane wa Africa muri 2020.

Yavuze ko uburyo Perezida Donald Trump wa Leta Zunze Ubumwe za Amerika utavugwaho rumwe na benshi yasimbuye Barrack Obama w’umunyabwenge bitangaje cyane. Ati “Ni nk’aho Jay-Z yakwirukana Beyonce agashaka Knowless wo mu Rwanda”.

Umugore witwa Feu Rouge yasekeje benshi nubwo ari uba mbere yari agaragaye muri ibi bitaramo.
Zaba Missed Call.
Arthur nubwo yari ayoboye Igitaramo yanyuzagamo agatera inzenya zasekeje benshi.
Papa wa Arthur, Mazimpaka Kennedy nawe yasekejwe n’inzenya zatererwaga muri iki gitaramo gitegurwa n’umuhungu we.
Micheal Sengazi uherutse kwegukana igihembo cya Prix RFI Talent du Rire.
Daniel Omola wo muri Uganda wasimbuye Sultan nawe yishimiwe bikomeye.

Daliso Chiponda wari umushyitsi w’Imena yishimiwe bikomeye.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE