FIFA yashyize kumugaragaro indirimbo izaririmbwa mu gikombe cy’isi yahuriyemo abahanzi 3, uwo muri afurika, amerika na QATAR.

UKENEYE KWAMAMAZA IBIKORWA BYAWE KU KINYAMAKURU CYACU NO KUMBUGA NKORANYAMBAGA DUKORESHA TWANDIKIRE KURI 0788441488 ============

Harabura amezi make ngo imikino ya nyuma y’igikombe cy’Isi kizabera muri Qatar itangire. Tombola y’uko amakipe azahura yabaye kuri uyu wa Gatanu ndetse amashusho y’indirimbo yemewe izakoreshwa muri iyi mikino yashyizwe ku rubuga rwa Youtube rwa FIFA.

Iyi ndirimbo yaririmbwe n’abahanzi batatu harimo umuhanzi w’umunya-Amerika Trinidad Cardona uririmba injyana ya Pop, umunya-Nigeria Davido uririmba injyana ya Afropop, ndetse n’umuhanzikazi wo mu gihugu cya Qatar Aisha.

Iyi ndirimbo yaririmbwe n’abahanzi batatu

Ni indirimbo yitwa ‘Hayya Hayya’ bisobanura ‘Ni byiza twishyize hamwe’. Aya marushanwa azagaragaramo icyegeranyo cy’indirimbo nyinshi, hamwe n’abahanzi mpuzamahanga baririmba injyana z’umuziki zitandukanye, mu rwego rwo gushimisha abafana mu mpande zitandukanye z’Isi.

Ubu buryo bwatekerejweho kugira ngo habeho guhuza udushya ndetse n’umubano hagati y’abakunzi b’umupira w’amaguru, abakunzi ba muzika, abakinnyi, abahanzi, na ruhago hamwe n’indirimbo zikundwa.

Amashusho y’indirimbo agaragaza abahanzi baririmbana ibyishimo hamwe n’ababyinnyi ndetse igaragaramo amashusho ya bimwe mu bihe byiza bigaragaza urukundo byaranze imikino y’igikombe cy’Isi yagiye iba mu myaka yashize.

Umuyobozi mukuru ushinzwe ubucuruzi muri FIFA, Kay Madati, yavuze ko guhuriza hamwe amajwi ya Amerika, Afurika ndetse no mu Burasirazua bwo Hagati ari ikimenyetso kigaragaza uburyo abakunzi ba muzika na ruhago buhuza Isi.

FIFA yatangaje ko izindi ndirimbo zizaba ziri mu njyana zitandukanye, ubwo iyi mikino izagenda yegereza.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO