Igor Mabano na Patinet Bizimana nabo basubitse ibitaramo biteguraga gukora kubera Coronavirus

Muri iyi minsi Isi yose ihangayikishijwe n’icyorezo cya Coronavirus iri kugenda ikwirakwira mu buryo budasanzwe, ibikorwa bitandukanye bihuriza hamwe abantu benshi bikomeje kugenda bisubikwa kubera iki cyorezo.

Nyuma yuko mu mpera z’icyumweru gishize mu mujyi wa Kigali hasubitswe ibitaramo bibiri bikomeye byari byitezwe na benshi, kuri ubu abahanzi Igor Mabano na Patient Bizimana nabo bamaze gusubika ibitaramo bikomeye biteguraga kuhakorera.

Igor Mabano usanzwe abarizwa mu nzu ifasha abahanzi ya Kina Music yari afite igitaramo yagombaga kuzamurikiramo album ye yambere yise ‘Urakunzwe’, cyari kuzabera muri Serena Hotel ku itariki ya 21 Werurwe 2020.

Itangazao ryashyizwe ahagaraga na Kina Music ireberera inyungu z’uyu muhanzi rivuga ko iki gitaramo kitakibaye nyuma y’uko umujyi wa Kigali ufashe umwanzuro wo guhagarika ibitaramo mu kwirinda Coronavirus.

Bagize bati “Tubabajwe no kubanyesha ko igitaramo cyo kumurika album ‘Urakunzwe’ cyari kuba kuwa 21/03 kuri Serena cyitakibaye.Turisegura kubo bibangamiye tunasaba abari baguze amatike yo kwinjira gukomeza kuyabika neza kugeza twongeye kubamenyesha.”

Ku rundi ruhande Patient Bizimana wubatse izina mu ndirimbo zo kuramya no guhimbaza Imana nawe yasubitse igitaramo gikomeye ngaruka mwaka cya ‘Easter Celebration’ yari yongeye gutumiramo Pator Solly Mahlangu wo muri Afurika y’Epfo.

Bimaze kumenyerwa ko buri mwaka kuri Pasika uyu muhanzi akora iki gitaramo, uyu mwaka kikaba cyari kigiye kuba ku nshuro ya Gatandatu. Amakuru ahari avuga ko kitakibaye muri uyu mwaka kubera ikwirakwira ry’icyorezo cya Coronavirus cyangwa Covi-19.

Uyu Pastor Solly Mahlangu azwi cyane mu ndirimbo nka Wahamba Nathi, Obrigado, Mwamba mwamba, Pokeya Sifa n’izindi.  Yaherukaga gutaramira mu Rwanda mu mwaka wa 2016 nabwo ni Patient wari wamutumiye muri ibi bitaramo.

Kugeza ubu haribazwa amaherezo y’iki cyorezo cyibasiye Isi, Imibare yo kuri uyu wa kabiri y’Ishami ry’Umuryango w’Abibumbye ryita ku buzima (OMS/WHO) igaragaza ko coronavirus imaze kugera mu bihugu 101 ku Isi harimo 10 byo muri Africa.

Itangazo risubika igitaramo cya Igor Mabano.
Patinet Bizimana ntazakora Easter Celebration.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE