Ikipe ya Kiyovu Sports na Patriots BBC zigiye kujya zamamaza AZAM ku kayabo k’amafaranga

Niba ufite UBUHAMYA, INKURU, KWAMAMAZA,Ukeneye ko TUGUKORERA UBUVUGIZI, twandikire kuri wats app maze tugusure Tell : 0788441488 ============

Kiyovu Sports iri mu makipe y’ubukombe mu mupira w’u Rwanda hamwe na Patriots iyoboye muri Basketball zamaze kugirana amasezerano y’ubufatanye n’uruganda rwa Azam, zikazajya zamamaza uru ruganda binyuze mu kwambara ibirango byarwo.

Ku gicamunsi cyo kuri uyu wa Gatanu tariki ya 17 Mutarama 2020 nibwo aya makipe yombi yashyize umukono ku masezerano y’ubufatanye na Azam Bakhresa Group mu muhango wabereye ku cyicaro cy’uru ruganda i Masoro.

Amasezerano hagati ya Kiyovu Sports n’uru ruganda azamara imyaka ine, ikazahabwa miliyoni 132 z’amafaranga y’u Rwanda, ni ukuvuga miliyoni 33 Frw ku mwaka.

Patriots BBC yo yasinye amasezerano y’imyaka ibiri afite agaciro ka miliyoni 48 Frw, ni ukuvuga ko izajya ihabwa miliyoni 24 Frw ku mwaka.

Aya makipe akazajya akina yambaye imyenda iriho ibirango bya Azam, uru ruganda rukazajya rwamamaza no ku mikino aya makipe yakiriye.

Umuyobozi w’ungirije wa Kiyovu Sports, Ntarindwa Théodore ari nawe wari uyihagarariye yavuze ko ubufatanye bagiranye na AZAM buzafasha ikipe yabo gukomeza kwiyubaka no gutegura impano z’abakiri bato.

Patriots BBC nabo ngo bishimiye kugirana ubufatanye na AZAM kuko bizabafasha kuzamura urwego nk’uko byatangajwe n’umuyobozi wungirijew’iyi kipe, Munyangaju Edouard.

Munir Bakhresa akaba ari nawe nyiri uruganda rwa AZAM Bakhresa group yavuze ko bahisemo gukorana n’amakipe yombi kugira ngo bakomeze ibikorwa batangaga muri Siporo y’u Rwanda.

Uyu mugabo ni nawe nyiri AZAM Media yahoze ari umuterankunga wa shampiyona y’umupira w’amaguru mu Rwanda mu myaka ine ishize.

AZAM yari iherutse kandi kugirana amasezerano nk’aya n’ikipe ya APR FC azamara imyaka ine ku gaciro ka miliyoni 228 z’amafaranga y’u Rwanda.

Kiyovu Sports yasinyanye amasezerano y’ubufatanye na AZAM Bakhresa Group.
Kiyovu Sports iratangira gukinana imyambaro iriho ibirango bya AZAM.
Patriots BBC nayo igiye kujya yamamaza AZAM.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : [email protected]
SHARE

IGITEKEREZO