Ikipe y’igihugu y’u Rwanda muri Basketball yatangiye imikino y’igikombe cy’Afurika itsinda DR Congo mu mukino wakurikiranywe na Perezida Paul Kagame.

Ikipe y’igihugu y’u Rwanda muri Basketball yatangiye imikino y’igikombe cy’Afurika ’AfroBasket 2021’ itsinda DR Congo mu mukino wakurikiranywe na Perezida Paul Kagame.

Irushanwa ry’igikombe cy’Afurika muri Basketball cyatangiye kubera mu Rwanda uyu munsi muri Kigali Arena, kikaba kizasozwa tariki ya 5 Nzeri 2021.

Prince Ibeh atanguranwa umupira na Jordan Sakho wa Repubulika Iharanira Demokarasi ya Congo

Ni irushanwa ririmo kuba ku nshuro ya 30 ryahuje ibihugu 16.

Umukino wafunguye irushanwa kumugaragaro ukaba wahuje u Rwanda na DR Congo saa 18:00’, u Rwanda rutsinda amanota 82-68.

Agace ka mbere k’umukino karangiye ku ntsinzi y’u Rwanda ifite amanota 25-14 agace ka kabiri karangiye ari 43-34.

Agace ka gatatu, DR Congo yagerageje gukuramo ikinyaranyo amaze agace karangira ari 57 y’u Rwanda kuri 55 ya DR Congo. U Rwanda mu gace ka nyuma rwongeye kwigarazugura DR Congo maze umukino urangira ari 80-68.

William Robeyns ukiniye u Rwanda umukino wa mbere, yatsinze amanota 23 mu gihe Maxi Munanga Shamba wa Repubulika Iharanira Demokarasi ya Congo, yatsinze 22.

Uyu mukino wakurikiranywe na Perezida Kagame, Minisitiri wa Siporo, Munyangaju Aurore Mimosa na Anibal Manave uyobora FIBA Afrique.

Uyu mukino wakurikiranywe na Perezida Kagame, Minisitiri wa Siporo, Munyangaju Aurore Mimosa

Ikipe y’Igihugu izasubira mu kibuga ihura na Angola ku wa Kane tariki ya 25 Kanama saa Kumi n’ebyiri mu gihe izasoreza kuri Cap-Vert ku wa Gatandatu.

Mu yindi mikino yabaye kuri uyu wa Kabiri, mu itsinda B, Tunisia ifite irushanwa riheruka, yatangiye neza itsinda Guinea amanota 82-46 mu gihe Misiri yatsinze Centrafrique amanota 72-56.

Abakunzi ba Basketball bari bemerewe kureba uyu mukino bari muri Sitade
William Robeyns yitwaye neza mu duce tubiri tubanza tw’uyu mukino

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE