Inama y’Igihugu y’Umushyikirano yahagaritswe kubera ubukana bw’icyorezo cya COVID-19

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Guverinoma y’u Rwanda yasubitse inama y’Igihugu y’Umushyikirano yari iteganyijwe kuri uyu wa Gatatu tariki 16 Ukuboza 2020 kubera ubukana bw’icyorezo cya COVID-19 gikomeje gusanganwa benshi mu Rwanda.

Iyi nama y’Igihugu y’Umushyikirano yari iteganyijwe kuri uyu wa Gatatu Tariki 16 Ukuboza 2020 ndetse hari benshi mu Banyarwanda baba mu mahanga bari bakomeje kuza kuwitegura.

Iyi nama y’umushyikirano isanzwe yitabirwa n’abanyarwanda bose ikayoborwa n’Umukuru w’Igihugu

Iyi nama isanzwe inagarararizwamo isura y’Igihugu, isubitswe kubera itumbagira ry’imibare y’abandura COVID-19 dore ko nko kuri iki Cyumweru tariki 13 Ukuboza 2020 hagaraye abafite ubwandu bashya 131.

Muri iki cyumweru twaraye dusoje cyose hagaragayemo abarwayi bashya 530 barimo aba 131 baraye bagaragaye kuri uyu wa 13 Ukuboza.

Muri iki cyumweru kandi hapfuyemo Abanyarwanda batanu (5) barimo umukobwa w’imyaka 14 y’amavuko witabye Imana ku wa 12 Ukuboza 2020 ubwo hanagaragaraga abarwayi bashya 100.

Kugeza ubu mu Rwanda abamaze guhitanwa n’iki cyorezo babarirwa muri 56 mu gihe abamaze gusanganwa ubwandu bwacyo bose hamwe ari 6 659.

Iyi nama y’Igihugu y’Umushyikirano yari igiye kuba ku nshuro ya 18, byari byitezwe ko izagaruka ku ngamba zo gukomeza guhangana n’ingaruka z’icyorezo cya COVID-19 by’umwihariko ku bukungu bw’Igihugu.

Ubwo iyi nama yabaga ku nshuro ya 17 umwaka ushize wa 2019, iki cyorezo cyari cyatangiye kuvugwa mu bihugu binyuranye by’umwihariko mu Bushinwa aho cyanatangiriye.

Inama y’Igihugu y’Umushyikirano ya 2019 yibanze ku bikorwa byo guteza imbere ibikorerwa mu Rwanda ndetse no gukomeza kuzamura ubushobozi bw’Abanyarwanda kugira ngo iterambere ry’Igihugu rikomeze gushingira ku bumenyi.

Muri uriya mwaka wa 2019, ubukungu bw’u Rwanda bwari bwazamutse ku kigero kiri hejuru cyane ndetse byari byitezwe ko byari kuba akarusho muri uyu wa 2020 gusa si ko byagenze kubera iyaduka ry’icyorezo cya COVID-19 cyashegeshe serivisi zose zisanzwe zigira uruhare mu kuzamura ubukungu nk’ubukerarugendo n’inama mpuzamahanga.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE