Itsinda rikomeye ku Isi mu njyana ya zouk, Kassav baraye i Kigali aho bategerejwe mu gitaramo cya St Valentin

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Kassav’ n’itsinda ry’abanyamuziki rifite amateka akomeye mu njyana ya zouk, ubu bari kubarizwa mu mujyi wa Kigali aho bageze mu ijoro ryo kuri uyu wa Kane bakaba bitezwe na benshi mu gitaramo gikomeye cy’umunsi w’abakundana (St Valentin).

Tariki ya 14 Gashyantare buri mwaka ni umunsi wahariwe abakundana, benshi basohokana n’abakunzi babo ahantu hatandukanye habafasha kwumva bishimiye uyu munsi.

Abatuye umujyi wa Kigali by’umwihariko bateguriwe igitaramo cy’imbaturamugabo kizaririmbamo itsinda riyoboye ayandi ku Isi mu njyana ya zouk rizwi nka Kassav’ aho rizafatanya n’umunyarwanda Christopher usanzwe uzwiho kuririmba ku rukundo cyane.

Ahagana ku isaha ya saa mbiri z’ijoro ryo kuri uyu wa Kane nibwo abagize iritsinda basesekaye ku kibuga cy’indege cya Kigali maze bakirwa n’abateguye iki gitaramo ndetse n’umuhanzi Christopher.

Kassav yashinzwe mu 1979 i Guadeloupe mu gace ka Caraïbes mu Bufaransa, yaje i Kigali ari itsinda ry’abantu 21 bahise bahabwa imodoka nini yo mu bwoko bwa bus yo kubatwara mu minsi bazamara mu Rwanda.

Igitaramo iritsinda rizaririmbamo kiraba kuri uyu wa Gatanu tariki ya 14 Gashyantare 2020, kibere muri Kigali Convention Centre guhera saa 6:30 PM.

Kwinjira muri iki gitaramo ni 10 000 Frw mu myanya isanzwe, 20 000 Frw mu myanya y’icyubahiro (VIP) na 30 000 muri VVIP. Amatike agurirwa kuri https://rgtickets.com/  cyangwa ugahamagara kuri 0732018788.

Abagize itsinda Kassav basohoka ku kibuga cy’indege cya Kigali.
Bahawe imodoka nini yo kugendamo.
Imodoka itwara aba banyamuziki nuko iteye mwimbere.
Christopher arikumwe n’abagize Kassav’.
Urupapuro rwamamaza iki gitaramo.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE