Jidenna yageze i Kigali aho agomba gutaramira kuri uyu wa Gatanu (Amafoto)

Umuhanzi w’Umunyamerika ufite inkomoko muri Nigeria, Jidenna yasesekaye i Kigali aho yatumiwe kuririmba kuri uyu wa Gatanu mu gitaramo cya Kigali Jazz Junction gisoza ukwezi k’Ugushyingo 2019.

Jidenna Theodore Mobisson w’imyaka 34 y’amavuko, benshi bamumenye mu ndirimbo zitandukanye nka ‘Classic Man’, ‘Bambi’, ‘Yoga’ yafatanyije na Janelle Monáe,  ‘Particula’ ya Major Lazer & DJ Maphorisa n’izindi.

Yatumiwe gutaramira i Kigali nyuma yuko atowe ku rubuga rwa Twitter n’abakunda ibitaramo bya Kigali Jazz Junction ahigitse Mi Casa wo muri Afurika y’Epfo na Vanessa Mdee wo muri Tanzania.

Ku mugoroba wo kuri uyu wa Kane kuya 28 Ugushyingo 2019 mu ma saa mbiri z’ijoro nibwo Jidenna yasesekaye ku kibuga cy’indege cya Kigali i Kanombe, avuga ko yishimiye kugera mu Rwanda ku nshuro ye ya mbere.

Iki gitaramo yatumiwemo kizabera muri Kigali Conference and Exhibition Village hazwi nka Camp Kigali kuri uyu wa Gatanu guhera saa kumi n’ebyiri z’umugoroba. Azafatanya na Bruce Melodie, Neptunez Band na Nep Djs.

Kwinjira muri iki gitaramo ni 15 000frw, 25 000frw, 30 000Frw na 240 000frw ku meza y’abantu umunani abazayagura mbere ni 10 000frw na 20 000frw gusa kuko ayo muri VIP na VVIP yamaze gushira.

Jidenna akigera ku kibuga cy’indege i Kanombe.

 

Tanga Igitekerezo ukoresheje Facebook

SHARE