Jimmy Mulisa yagizwe umutoza mushya wa AS Kigali asimbura Eric Nshimiyimana wirukanywe.

UKENEYE KWAMAMAZA IBIKORWA BYAWE KU KINYAMAKURU CYACU NO KUMBUGA NKORANYAMBAGA DUKORESHA TWANDIKIRE KURI 0788441488 ============

Jimmy Mulisa ni we wahawe inshingano z’umutoza mushya wa AS Kigali usimbura Eric Nshimiyimana waraye wirukanywe.

Ku mugoroba w’ejo hashize ku wa Gatandatu tariki ya 18 Ukuboza, AS Kigali nyuma yo gutsindwa na Rayon Sports, ubuyobozi bwahise bufata umwanzuro wo guseserera umutoza Eric Nshimiyimana n’umwungiriza we, Mutarambirwa Djabir.

Jimmy Mulisa yagizwe umutoza mushya wa AS Kigali asimbura Eric Nshimiyimana wirukanywe.

Kwirukanwa kw’abatoza bombi byaturutse ku musaruro muke AS Kigali yagize mu mikino itandatu iheruka ya Shampiyona, aho yabonyemo amanota arindwi gusa ndetse kuri ubu ikaba iri ku mwanya wa gatatu n’amanota 16, irushwa ane na Kiyovu Sports.

Inama yahuje abayobozi ba AS Kigali n’abakinnyi kuri iki Cyumweru mu gitondo ni yo yemerejwemo Jimmy Mulisa nk’umutoza w’agateganyo mu gihe hagiye gushakwa undi.

Mulisa wari waguzwe umutoza wa mbere wingirije wa AS Kigali muri Nyakanga 2021 kubera ko yari mu marushanwa Nyafurika, yari yasezeye mu ntangiriro z’Ukuboza kugira ngo arusheho gukurikirana imishinga ye yo guteza imbere abana bakina ruhago, ariko akaba yafatanyaga na AS Kigali.

Asanzwe afite inararibonye mu mwuga wo gutoza dore ko yanyuze muri Sunrise FC, APR FC ndetse akaba yaranatoje mu ma kipe y’Igihugu mu bihe bitandukanye.

AS Kigali izasubira mu kibuga ku wa 23 Ukuboza 2021 aho izakirwa na Gasogi United ku munsi wa 10 wa Shampiyona.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO