KICUKIRO : Umugore yinjiye murusengero n’umwana mu ntoki ateza intambara ahagarika ubukwe bw’umugabo we babyaranye abana 5 warutangiye gusezerana nundi mugore wa kabiri

Umubyeyi w’abana batanu witwa Dukuzumuremyi Janvière utuye mu Karere ka Kicukiro mu Mujyi wa Kigali kuri uyu wa 28 Kanama 2021 yahagaritse ubukwe bw’umugabo we wamutaye, wari ugiye gushyingirana n’undi mu rusengero.

Uyu mubyeyi yasobanuye ko yahamagawe n’umuntu kuri telefone, amubwira ko umugabo we umaze igihe amutanye abana, agatwara babiri b’impanga, agiye gukorera gushyingirwa undi mugore mu rusengero rw’itorero Angilikani, i Gikondo.

Abageni ubwo bageraga kurusengero bagiye gusezerana

Ngo yari mu murima, avamo byihuse, aritegura ategura n’abana batatu yasigaranye, bajya kuri uru rusengero. Yageze muri uru rusengero ateruye umwana umwe, ajya imbere aho abageni bahagaze bumva ijambo ry’ubasezeranya, maze ashyira umwana hasi.

Nyuma yo gushyira umwana hasi, yahise afata umugabo mu mashati, amusaba aba bana b’impanga yatwaye. Abashumba muri uru rusengero bagerageje kunga impande zombi, Dukuzumuremyi asakuza cyane, anarira [n’abana barira], abasubiza ati: “Mumbabarire, ndasaba abana banjye.”

Umugabo na we yemera aba bana bose, ariko agashinjwa kubajugunya, ntabiteho nk’umubyeyi wabo.

Uyu mugore yinjiye murusengero afite umwana mu ntoki

Aba bashumba baje guhumuriza uyu mubyeyi ko batagisezeranyije uyu mugabo bitewe n’ikibazo bafitanye. Bati: “Ntabwo twabasezeranya, ntabwo twabasezeranya.”

Nk’uko byumvikana muri videwo dukesha Afrimax TV, icyo uyu mubyeyi yashakaga ni uko uyu mugabo yamusubiza aba bana b’impanga barererwa kwa nyirakuru, akajya amuha n’indezo zabo bose.

Pasiteri Kanana Cedric wabasezeranyaga, yagize ati: “Twaje hano mu gusezeranya, abageni twagombaga gusezeranya baturuka muri Diyosezi ya Gahini. Ariko boherejwe na Pasitori atari uko abohereje ngo tubakire muri Diyosezi ya Kigali muri Paruwasi ya Gikondo, no. Iki kintu kibanze cyumvikane. Aba bantu baje nk’abakirisitu bo muri Diyosezi ya Gahini yatiye urusengero rwa Paruwasi ya Gikondo.”

Uyu mugore acyinjira yahise asingira umugabo we amufata mu mashati abari murusengero barakiza

Yakomeje ati: “Kuba rero iki kibazo kije, kikazamo Pasitori wabo adahari, ibyo biravuga ngo ni we ufite uburenganzira bwo kubyinjiramo, ushobora no kugikemura. Twe rero nk’abatiwe urusengero, ntabwo dushobora gusezeranya no kujya mu zindi detaye (details) kandi bafite aho bakomoka na Pasitori wabo.”

Nk’uko Pasiteri Kanana yabisobanuye, umwanzuro wo gusezeranya cyangwa guhagarika ubukwe bw’aba bageni, uzafatirwa muri Diyosezi ya Gahini. Ati: “Kuko ari we ubazi, azi n’ikibazo bafite. Twe rero twanzuye ko tutabasezeranya mu gihe twumvise ibi bibazo bihari kandi tutabifitiye uburenganzira.”

Abageni batashye badashyingiranywe

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE