King James agiye gutangiza uruganda rukora ubucuruzi bw’ifu y’ibigori

Umuhanzi Ruhumuriza James uzwi nka King James yatangaje ko yaguye ubucuruzi bwe aho agiye no gutangiza uruganda rukora ifu y’ibigori Kawunga yitwa “Ihaho”.

King James ni umwe mu bahanzi bakora injyana ya R&B bamaze igihe bafite igikundiro ku rwego rwo hejuru.

Uyu musore watwaye irushanwa rya Primus Guma Guma Super Star ku nshuro ya kabiri, umuziki we awufatanya no gukora ubucuruzi butandukanye, ndetse ni umwe mu bafite amafaranga atari make mu bahanzi bo mu Rwanda.

Umuhanzi Ruhumuriza James uzwi nka King James yatangaje ko yaguye ubucuruzi bwe

King James usanzwe afite ihahiro rigezwe ryitwa Mango Super Market, ndetse aherutse gufungura  resitora ishamikiyeho yitwa Mango Fast Food.

Uyu muhanzi wabaye rwiyemezamirimo yanahishuye ko mu cyumweru gitaha, azafungura uruganda rutunganya ifu y’ibigori yitwa “Ihaho”.

Ati “Mu cyumweru gitaha nzafungura uruganda rukora ifu y’ibigori. Ibigori mbikura ku isoko muri za Nyagatare birahaboneka.”

King James avuga ko nubwo biba bitoroshye guhuza umuziki n’ubucuruzi buri kimwe agishakira umwanya wacyo kandi akagikora uko bikwiye.

king James uherutse gushyira hanze indirimbo yitwa “Poupette” yatangaje muri uyu mwaka yari kuzashyira hanze alubumu ariko abangamirwa na COVID-19.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE