Magic Star umuhanzi ufite intego yo kumenyekanisha u Rwanda akoreje impano ye muri muzika.

Bikorimana Albert ukoresha amazina y’ubuhanzi [Magic Star] ni umwe mubahanzi bari kuzamuka mu muzikinya Nywarwanda mu ndirimbo zigezweho.

Mu kiganiro yagiranye n’ikinyamakuru IBYAMAMARE.com yadutangarijeko afite intego yo kwifashisha impano ye mu muziki akamenyekanisha u Rwanda kuruhando mpuzamahanga.

Mu kiganiro twagiranye yagize ati “Intego mfite murugendo rwanjye rwa muzika ni ugutanga umusanzu mukubaka u Rwanda rwesa imihigo muruhando mpuzamahanga bakamenyako u Rwanda ari igihugu cyaciye muri byinshi rukabirenga rukiyubaka kugeza aho uyu munsi ari igihugu buriwese yishimira”

Uyu muhanzi yakomeje avugako ari gukora indirimbo zuje ubutumwa bukebura urubyiruko nk’u Rwanda rw’ejo hazaza.

Magic Star yavuzeko iyo aririmba yibanda cyane ku ndirimbo z’urukundo, imibanire myiza ishingiye kurukundo, indirimbo zishingiye ku iterambere ry’igihugu ndetse n’indirimbo zibanda ku ndagagaciro z’umuco Nyarwanda.