Meddy yafunguwe agomba kwishyura ibihumbi 150

Umuririmbyi w’umunyarwanda, usanzwe aba muri Amerika, Ngabo Medard uzwi nka Meddy, uyu musore wari umaze iminsi afungiwe mu Rwanda, yafunguwe.

Meddy yari amaze iminsi itanu ari muri gereza yafunguwe mugitondo cyo kuri uyu wa Gatanu ndetse agomba kwishyura amande angana n’ibihumbi 150frw

Meddy yafashwe azira gutwara imodoka yasinze

Tariki ya 21 Ukwakira 2019 nibwo Meddy yafashwe na polisi y’igihugu atwaye imodoka yasinze, yari yarengeje igipimo cya 0.08 umuntu aba atemerewe kurenza ngo atware imodoka.

Uretse gufungwa iyi minsi 5, Meddy azishyura ibihumbi 150 by’amafaranga y’u Rwanda, nk’uko amategeko abiteganya ku muntu wese watwaye imodoka yasinze.

Meddy ubusanze aba muri Leta Zunze Ubumwe za Amerika ari naho akorera umuziki we, akaba aheruka gutaramira abanyarwanda mu ntangiriro za Nzeri 2019 mu gitaramo cyo Kwita Izina yahuriyemo na Ne-Yo, ndetse akaba yaranataramiye abitabiriye inama ya YouthConnect aho yahuriye kurubyiniro na Patoranking wo muri Nigeria.

Tanga Igitekerezo ukoresheje Facebook

SHARE