Menya imyitwarire y’abagabo ukwiriye kugendera kure niba ushaka kuryoherwa n’urukundo.

TWOZA INTEBE, MATELA,AMATAPI N'AMAKARO (Duhamagare cg Utwandikire kuri  0789348058 (Wats app) cg 0784343748 (Call) ============

Ubusanzwe abantu ntibakunda kimwe kandi ntibanabona ibintu mu buryo bumwe, icyakora hari ibintu ukunda gusanga bihuriweho ku buryo umubare munini w’abantu baba babyanga urunuka, bigahumira ku mirari iyo bigeze ku myitwarire runaka ishisha benshi cyane cyane iyo igaragaye ku muntu w’umugabo.

Iyi ni imwe mu myitwarire benshi bahurizaho ko badashobora kwihanganira umugabo urangwa nayo nk’uko ikinyamakuru Fustany kiyigaragaza.

Umugabo ugira ivuzivuzi

Umugabo ugira ivuzivuzi arangwa no guhora arahira buri kanya no mu bintu bitari ngombwa.

Iyo mujyanye ahantu mwasohokanye, akunze gutonganya abakozi baho muri za hoteli cyangwa muri resitora ababwira mu buryo butarimo ikinyabupfura kandi ikirenze kuri ibyo byose uzamwitegereza ubone ntabasha gutahura ko ibyo ari gukora atari byiza.

Impamvu ugirwa inama yo kugendera kure uyu mugabo; ni uko niba ashobora gufata atyo abantu asanze aho, wowe ashobora no kuzajya agukorera ibyisumbuye ibyo.

Umugabo w’umubeshyi

Iyi ngingo irasobanutse cyane kuko biragoye ko wabona umuntu ukunda umubeshya cyangwa abeshya abandi.
Ikintu cya mbere ugomba kwikuramo ugitahura uyu mugabo, ni ukwishyiramo ko uzamuhindura akabikira.

Urukundo rushingira ku cyizere kandi iyo ubeshywe kigatakara biba bigoye ko byakongera gusubira uko byari biri mbere. Icyiza rero ni ukuzibukira hakiri kare kuko umugayo uba utari kuri wowe.

Umugabo uguca inyuma

Ku bw’umunezero wawe, umugabo uguca inyuma ukwiye kumwirinda ukanamugendera kure utitaye ku kiguzi cyose byagusaba.

Umugabo uguca inyuma aba akugaragarije ko utamunyura, ni ikimenyetso cy’uko aba ari gushakisha aho yavana ibyo utabasha kumuha kandi ntibiba bisobanuye ko ikibazo ari wowe.

Umugabo nk’uyu kandi aba aguhishuriye ko akunda aka na kariya kandi akagerageza kubiguhisha ku buryo agatotsi kaba kaje mu mibanire yanyu kadashobora kuvugutirwa umuti kubera ko buri uko mutari kumwe byagorana gushyira umutima hamwe ugatuza.

Umunyabugugu

Umugabo ugira ubugugu aba yikunda cyane ku buryo aba ari nyamwigendaho atanashobora kugerageza kugukunda nk’uko abyikorera.

Ni abagabo bakunda kuba bari kunenga abandi bantu kandi bakabikorana imvugo itiyubashye. Bakunda kuba bavuga ibyo bagezeho, birata imyanya bafite mu kazi ku buryo iyo ubashije gutahura uyu muntu ugirwa inama yo kumuhunga hakiri kare kuko iyo migirire ye iba izakura ibintu bikarushaho kuba bibi.

Umugabo uciriritse utazi gufata inshingano

Imwe mu myitwarire iranga uyu mugabo ni uguhora ashaka ko mwasohokana ahantu haciriritse cyane rimwe na rimwe ntashake no kwishyura amafaranga mwakoresheje.

Birashoboka ko yaba adashaka gusohora amafaranga menshi ariko iyo akunda kubigenza atyo akaguharira ngo abe ari wowe wishyura, ukwiye gushishoza ukizera neza niba uzabasha kubana na we.

Umugabo w’akarimi karyoshye

Ibi byumvikana nk’ibidasobanutse kuko abenshi bakunda kubwirwa amagambo asize umunyu ariko ukuri gukunze kuba kwihishe inyuma y’aba bantu, ni uko bavuga menshi yijyana ntagire ibikorwa asiga.

Wisanga akenshi utunguwe iyo umwiyambaje uri mu kibazo gikomeye atabasha kugira icyo yagikoraho kandi mu mitoma ye atarahwemaga kukubwira ko uri isi ye nta n’icyo uzamuburana.

Ni byiza rero kugenzura ko amagambo ajyana n’ibikorwa mbere yo kwemera kwirundumurira mu rukundo.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : [email protected]
SHARE

IGITEKEREZO