Menya ubusobanuro bw’inzozi 20 abantu benshi bakunze kurota iyo baryamye

UKENEYE KWAMAMAZA IBIKORWA BYAWE KU KINYAMAKURU CYACU NO KUMBUGA NKORANYAMBAGA DUKORESHA TWANDIKIRE KURI 0788441488 ============

Mu nkuru zacu hari iyo twakoze ivuga ku kurota. Iyo nkuru yasobanuraga inzozi icyo ari cyo, ikavuga igitera umuntu kurota, ndetse twanarebeye hamwe icyo wakora ngo inzozi warose ntuzajye uzibagirwa.

Mu gusoza twasezeranye ko tuzanavuga ku busobanuro bw’inzozi, nibyo iyi nkuru igiye kuvugaho. Gusa ntabwo turi buvuge ku nzozi zose, ahubwo turavuga ku zikunze kugarukwaho na benshi, kandi mu gutanga ubu busobanuro twagiye twifashisha imbuga n’ibitabo binyuranye, tuzabivuga mu gice cya nyuma cy’izi nkuru kuko mu nkuru imwe byose ntiwabivugamo.

Menya ubusobanuro bw’inzozi 20 abantu benshi bakunze kurota iyo baryamye

1.Kurota ukuka iryinyo/amenyo

Niba mu nzozi urose ukuka iryonyo, ryaba ryikuye cyangwa barigukuye, ibi bisobanuye ko hari ibiri kuba mu buzima bwawe bigatuma witakariza icyizere ndetse ukaba utari kubona ubushobozi bwo guhangana na cyo.

2.Kurota wabuze ubwiherero

Niba urose ujya gushaka ubwiherero ariko ukabubura, bisobanuye ko uri gushaka kugira ibyiyumviro wikuramo ariko ukaba wabuze uwo wizera wabwira. Hari ibikubangamiye, ibikubabaje muri wowe ariko washaka uko ubyikuramo bikanga.

3.Kurota uri kwirukankanwa, guhigwa

Hano icyaba kiguhiga/kikwirukankana icyo ari cyo cyose, biganisha kuri wowe n’imico yawe. Biba bivuze ko hari imyitwarire/imico ushaka guhunga/kureka ariko ukaba utarayitsinda. Gusa nanone bishobora gusobanura inshuti mbi, ibihe bibi uri gushaka kuvamo

4.Kurota wambaye ubusa mu ruhame

Bivuze ko hari ibyo uri kunyuramo ariko bikaba biri kugutamaza, kwerekana uwo uri we. Akenshi iyo winjiye mu bintu bishya utari umenyereye, inzozi nk’izi ni bwo zikunze kuza, kuko uba wumva ugiye kugaragara.

5.Kujya mu kizami utiteguye

Si ngombwa ngo ube uri umunyeshuri. Ahubwo mu gihe ugize izi nzozi biba bikubwira yuko mu buzima ibyo ushaka kugeraho uri kumva utaritegura, cyangwa se ukaba hari intego wihaye ariko igihe kikaba kiri kugushirana utarazigeraho.

6.Gukorera imibonano ahadakwiye

Niba urota uri gukorera imibonano ahantu hari abantu benshi ariko ukaba ubona ntawe ukureba, cyangwa se ukarota uyikorana n’umuntu mukorana/mwigana/muturanye ariko udasanzwe ukundana na we ndetse atanagukurura, cyangwa se ukarota ukora imibonano ariko uri no gukora ikindi kintu nko guteka, uri mu bwiherero se, mbese ibintu ubona bidakwiye cyangwa se uri kuyikora abantu bakomeza bakugwaho ariko bagasaba imbabazi bakikomereza ibyabo bakakureka. Muri macye igihe cyose urose ukorera imibonano ahantu hadakwiye, mu buryo budasanzwe ni ibyerekana ko hari ikidasanzwe kiri kuba mu buzima bwawe, ku bwawe wifuzaga kuba wakorera aho abantu batakubona ariko ukaba ubona biri kwanga kugihisha. Bishobora kuba ubumenyi runaka, umushinga se cyangwa ikindi kintu wifuza guhisha ariko bikanga

7.Kurota uguruka

kurota uguruka bigaragaza kumva ufite ubwisanzure. Hari ikintu cyari kikuboshye, kikuziritse se kikurekuye/kigiye kukurekura. Cyangwa se kuba hari amahirwe mashya ubashije kubona.

8.Kurota utwaye ikinyabiziga

Cyane cyane imodoka. Kurota uyitwaye niyo waba utagira uruhushya rwo kuyitwara ni ibivuga ko uhanze amaso cyane imishinga ufite mu buzima bwawe cyangwa mu kazi kandi ukaba ufite intego yo kugera kure.

9.Kubona irembo rishya

Ryaba irembo rigari cyangwa umuryango usanzwe, kurota uvumbura umuryango ahantu hahishe cyangwa utari usanzwe uba biba bikubwira ko ufite amahirwe mashya akuri imbere. Niba uwugezeho ugasanga ufunguye, ayo mmahirwe aba yoroshye kuyageraho naho iyo ukinguye bikanga, bivuze ko ayo mahirwe atari ay’ako kanya bigusaba igihe no kwihangana.

10.Kurota wakererewe

Hari gahunda cyangwa amahirwe runaka akuri imbere ariko urabona igihe kiri kugushirana utaramara kwesa uwo muhigo.

11.Kurota ushaka ikintu

Niba mu nzozi urota ushaka ikintu, bisobanuye ko mu buzima bwawe hari ikintu ushaka kugeraho, kandi uzashirwa ari uko ukigezeho.

Mu gihe wagize izi nzozi, ni byiza kwibaza neza ikintu wumva uri gushaka kugeraho, bityo ukagishyiraho umwete n’umutima n’ubushake.

12.Kurota uterera umusozi

Kurota uri kuzamuka umusozi, biba byerekana ko hari ikintu uri guhirimbanira kugeraho kandi ukakibamo uwa mbere kurenza abandi, bigereranywa na wa musozi uri guterera.

Kurota wakunze umuntu bitunguranye
Niba mu nzozi urose wakunze umuntu utacyekaga kandi bitunguranye, bisobanuye ko muri wowe hari uruhande utari wiyiziho kandi ukaba watangiye kurumenya. Ndetse bishobora gutera impinduka mu buzima wari usanzwe ubamo, kubwo kurushaho kwimenya.

13.Kurota wirukankanwa n’umuzimu

Niba uri kurota wirukankanwa n’umuzimu/igini kandi wagerageza kurisiga bikanga, bivuze ko hari ingeso wari wararetse ahashize, kandi mbi uri kugenda ugarura. Ni byiza kongera kwisuzuma ukareba niba koko hari ibyo wari waracitseho byagarutse.

14. Kurota uwo mwahoze mukundana

Niba warose uwo mwakundanaga kandi mwaratandukanye ukaba uri mu rukundo n’undi muntu, ntabwo bivuze ko ugiye gusubirana na we. Ahubwo bivuze ko usabwa kwitonda, ntugarure ibyahise, ndetse ibyaba byaraguturutseho utandukana na we, ubyirinde. Muri make ni umuburo uba ubonye.

15.Kurota wiyuhagira

Niba urose uri kwiyuhagira, bivuze ko mu buzima bwawe, mu ntekerezo no mu marangamutima harimo akajagari bityo usabwa kongera gutunganya byose no kubishyira mu murongo. Ni byiza kwinira ukibaza ibitari kugenda neza iwawe.

16.Kurota utagaragara

Niba mu nzozi urose uri ahantu wakabaye ubonwa ariko abakunyuraho bakaba batari kukubona, ni ikimenyetso cy’uko mu byo ukora, mu buzima bwawe ntawe uba yitaye ku muhati wawe cyangwa ibyo wakoze. Niba ushaka ko bigaragara, igaragaze.

17.Kurota uri guhunga iminyorogoto

Si iminyorogoto gusa, niba mu nzozi urota uri guhunga cyangwa usigaye utinya utuntu duto nk’inshishi, bivuze ko hari ingorane zidakabije ziri kukubaho ariko zikaba ziri kugutera ubwoba bukabije. Suzuma urebe niba nta bintu uri kuremereza kandi byoroshye.

18.Kurota uvamo urukweto

Ubusanzwe iyo ugize impanuka ukavamo urukweto baravuga ngo ntabwo warokoka. Ariko mu nzozi nurota uvamo urukweto biba bivuze ko hari ibintu mu buzima bwawe cyangwa umwanya uriho bitameze neza ukwiye gusubiramo ukabitunganya neza.

20.Kurota ufunzwe

Niba ntacyo wakoze umva cyagushyirisha muri gereza, ibi bisobanuye ko mu byo ukora nta bwisanzure ufite, nta mahitamo bwite ahubwo umeze nk’ufungiye ahantu utabasha kwinyagambura.

TUBWIRE INZOZI UKUNDA KUROTA, MU NKURU YACU ITAHA TUZAGUSOBANURIRE IBYO WAROSE?

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

1 IGITEKEREZO

IGITEKEREZO