Mu mafoto reba uko byari byifashe mu gitaramo Seka Live cyahuriyemo Eric Omondi, Loyiso na Arthur

Igitaramo cy’urwenya cya Seka Live gisoza ukwezi k’Ukuboza cyitabiriwe ku rwego rwo hejuru, abanyarwenya Eric Omondi, Loyiso, Arthur n’abandi bakizamuka muri uyu mwuga batembagaje abari aho mu nzenya zitandukanye.

Iki gitaramo cyabereye muri Kigali Marriott Hotel kikitabirwa ku rwego rwo hejuru, nicyo cyari icya kabiri kibaye kuva Seka Live yagirwa ngarukakwezi.

Kuri iyi nshuro hari hatumiwe umunya-Kenya, Eric Omondi na Loyiso wo muri Africa y’Epfo bafatanyije n’abasanzwe hano mu Rwanda nka Nkusi Arthur ari nawe utegura ibi bitaramo, Herve Kimenyi, Merci, Missed Call, Milly, Patrick n’abandi.

Eric Omondi wari utegerejwe na benshi yateye urwenya ku bakobwa bo mu Rwanda abagereranya n’abo muri Kenya, avuga ukuntu abo muri Kenya bajya mu tubyiniro ntibitwararike ikintu na kimwe.

Yavuze ko imyitwarire ya Meddy na Diamond ku rubyiniro itandukanye ashingiye ku buryo bombi baseruka n’indirimbo baririmba ndetse n’abafana banyuzwe n’ibihangano byabo. Agaragaza ko ku rubyiniro Meddy aserukana ubwitonzi no gucengerwa n’amagambo y’urukundo aririmba akajyanisha n’abafana be cyane cyane abakobwa, yabigaragaje yigana Meddy mu ndirimbo ‘Slowly’.

Ageze kuri Diamond asaba Dj imwemu ndirimbo ze maze aseruka yiruka ku byiniro akuramo ikote n’umupira agaragaza igituza neza neza nk’uko Diamond abikora, abantu barakumbagara bamukomera amashyi y’urufaya.

Loyiso Madinga wakoranye na Kevin Hart kuri ubu akaba akorana na Trevor Noah, ko ari ibyishimo bikomeye kuri we kuba abimburiye abandi banyarwenya bo muri Afurika y’Epfo bazataramira i Kigali.

yateye urwenya ku ndirimbo ‘I will always love you’ ya Whitney Houston uburyo bitoroha kuririmba agace gakurikira igice cya mbere cy’indirimbo kuko bisaba guhanika ijwi.

Yavuze uburyo Perezida Jacob Zuma atoroherwa no kuvuga imibare myinshi mu gihe Nelson Mandela we mu mvugo ze atigeze ashaka kuvuga imibare ahubwo ko yakoresheje ibimenyetso n’imvugo yumvikanisha ko hashize igihe kinini.

Itsinda rya Neptunez Band ndetse na Nep Djs nibo basusurukije abari bitabiriye iki gitaramo cy’urwenya cyasize benshi bari gukwenkwenuka.

Omondi yigana uko Diamond yitwara ku rubyiniro yakuyemo imyenda yerekana igituza.

Mbere yuko asoza yatse abafana imyendayabajugunyiye.
Neptunez Band
Loyiso Madinga yishimiye gutaramira i Kigali.

Se wa Nkusi Arthur nawe yari yatembagajwe n’inzenya zirimo n’izumuhungu we.

Missed Call nawe yarishimiwe.

Patrick ku kurubyiniro atera inzenya zashimishije abari aho.

Merci uri kuzamuka nezamuri uyu mwuga nawe yasekeje abari aho.

 

Tanga Igitekerezo ukoresheje Facebook

SHARE