“Mujye mwibuka gusaba imbaraga zo gukorera Imana” Alphonse Twambazimana mu ndirimbo “Imyambi Nibashirana”

” Imbaraga z’Imana nizibashirana mujye mwibuka gusaba izindi mbaraga zo gukorera Imana”

“Imyambi Nibashirana” n’indirimbo nshya Alphonse Twambazimana yashyize hanze mu buryo bw’amajwi, uyu muhanzi w’indirimbo zo kuramya no guhimbaza Imana ukorera Umuziki muri Leta Zunze Ubumwe z’Amerika i Austin muri Texas avuga ko ifite ubusobanuro burebure cyane bugenewe abasengera mu madini n’amatorero atandukanye.

“Imyambi Nibashirana” uyu muhanzi avuga ko ari indirimbo yo gusubizamo intege abatentebutse mu mwami Yesu n’abageragezwa n’umwanzi Satani mu buryo bunyuranye bwabashyira kure y’ijambo ry’Imana.

Alphonse Twambazimana avuga ko kwita indirimbo ye “Imyambi Nibashirana” bifite ubusobanuro burebure cyane aho agira ati :

“Ukimara kumva Imyambi Nibashirana uhita wumva ushaka kumva ubutumwa buyirimo, ubutumwa bubwira abo mu nsengero gukora umulimo dukunda n’ubwo bigeraho imbaraga zikatubana nke n’indirimbo irimo gukomera kwacu ko gushingiye kuri Yesu ”

Akomeza agira ati :
” Uyu mwaka wa 2020 ubona neza ko kwizera mu bantu byarabuze, imbaraga zabaye nke, ibyiringiro byarabuze, gutegereza Umwami no kwihangana byaranze, uyu mwaka wabaye uw’ibibazo nkaza Corona nshaka kwerekana ko benshi byabaciye intege bagaragaza ko Imana yacu ari inya ntege nke ariko siko bimeze uziko yavuganye n’Imana ndahamya ko azabona gutabarwa ”

Uyu muhanzi kandi avuga ko umulimo w’Imana akora binyuze mw’ivugabutumwa ryo kuririmba agenda abona impinduka ugira ku ba kristo hirya no hino ibintu ashimira Imana imuha ubutumwa bwo kugeza ku bwoko bwayo.

“Abo indirimbo zanjye zakoze ku mutima baramvugisha bakambwira ngo komerezaho uri kutwubaka nanjye mbishobozwa na Data wo mw’ijuru, indirimbo s’iyanjye n’iyi si yose. Nko muri ibi bihe bidakunda kujya gusenga nkaha dutuye ndasaba abantu guhumura kuko dufite Imana irikumwe natwe izaturinde iyi Covid-19.benshi indirimbo zanjye zibomora ibikomere kandi biranyubaka cyane ”

Alphonse mu bijyanye no gushyira hanze indirimbo zitandukanye muri ibi bihe abwira abakunzi be ko haba mu byago no mu makuba atazareka gushyira hanze ubutumwa bw’Umwami Yesu anasaba abahanzi bagenzi be gukora indirimbo zirimo ubutumwa buhumuriza abihebye kuko ibi bihe turimo ari ibyo kwegera Imana cyane.

Umva indirimbo Imyambi Nibashirana ya Alphonse Twambazimana

Tanga Igitekerezo ukoresheje Facebook

SHARE