Niyonsaba Francine waciye agahigo ko kuba umugore wirukanse igihe gito ku isi yakiriwe nk’umwamikazi ubwo yageraga i Burundi(Amafoto)

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Umurundikazi Francine Niyonsaba umaze iminsi yandika amateka mubagore basiganwa ku maguru ku isi, yagarutse i Bujumbura yakirwa nk’umwamikazi.

Francine w’imyaka 28 y’amavuko yari amaze Ukwezi ku mugabane w’iburayi na Amerika aho yatahukanye imidari itandukanye, yageze i Bujumbura yakirwa n’umukuru w’uyu mujyi hamwe n’abakunzi be bari baturutse mubice bitandukanye by’igihugu bambaye imipira iriho amazina n’amafoto ye.

Umurundikazi Francine Niyonsaba umaze iminsi yandika amateka mubagore basiganwa ku maguru ku isi, yagarutse i Bujumbura yakirwa nk’umwamikazi.

Abayobozi mu nzego za Leta, abahanzi nabandi bantu batandukanye  bari babukereye baje kwakira uyu mukobwa, bagendaga bamuririmbira indirimbo zimurata bavugako yakoze ibikorwa by’ubutwari mu marushanwa avuyemo.

Niyonsaba Francine yashyizeho umuhigo mushya ku rwego rw’Isi mu gusiganwa ku maguru metero 2000, aho yegukanye Irushanwa rya Continental Tour Gold ryabereye i Zagreb muri Croatia ku wa Kabiri.

Niyonsaba yegukanye iri rushanwa nyuma yo gukoresha iminota itanu, amasegonda 21 n’ibice 56, agabanya amasegonda abiri ku bihe byaherukaga gushyirwaho na Genzebe Dibaba mu 2017.

Fara mu modoka agenda asuhuza abakunzi be

Umuhigo wo ku rwego rw’Isi yashyizeho, wabonetse nyuma y’icyumweru abaye uwa mbere muri metero 5000 mu isiganwa rya Diamond League ryabereye i Zurich.

Uyu Murundikazi watwaye umudali wa Feza muri Shampiyona y’Isi no mu Mikino Olempike mu gusiganwa metero 800, ari mu bakinnyi benshi babujijwe gusiganwa metero 400 na metero 1500 kubera imisemburo myinshi bafite ya kigabo izwi nka ‘testosterone’.

Mu Mikino Olempike ya Tokyo, yabaye uwa gatanu mu cyiciro cya nyuma cyo gusiganwa metero 10.000 mu gihe yasezerewe mu gusiganwa metero 5000 kubera ko yanyuze mu murongo utari uwe.

Nyuma yaho mu mpeshyi, Niyonsaba yabaye umugore wa gatanu w’ibihe byose wakoresheje ibihe bito mu gusiganwa metero 3000.

Umuhigo wo gusiganwa metero 2000 mu bagabo, ufitwe n’Umunya-Maroc Hicham El Guerrouj kuva mu 1999, aho yakoresheje iminota ine, amasegonda 44 n’ibice 79.

Abantu bari baje kumwakira ku bwinshi
Mubaje kumwakira harimo abahanzi B-Face na Mukombozi bakunzwe i Burundi

   

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE