Nyamasheke: icyumweru cy’Ubutwali cyatangirijwe mu murenge wa Macuba hagawa Abakobwa bahonga abagabo ngo babarongore

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Kuri uyu Gatanu kuwa  24 Mutarama 2020 mu murenge wa Macuba mu karere ka Nyamasheke hatangijwe icyumweru cy’Ubutwali mu rwego rwÁkarere ka Nyamasheke,n’igikorwa cyari kirimo abayobozi batandukanye barimo Visi Mayor ushinzwe imibereho myiza y’abaturage Mukamana Claudette,Ubuyobozi bwÍngabo na Polisi na Kibogora Polytechnic.

N’umuhango wabereye ku kibuga cyaho bita kurupango mu murenge wa Macuba cyatangiye ku isaha y’i saa munani n’igice aho abaturage batandukanye bari baje kumva no gukurikira impanuro z’abayobozi batandukanye ku butwali aho abafashe ijambo bose bagarutse ku butwali icyo aricyo,ibiranga intwali ndetse n’ibigomba guharanirwa kugira ngo Akarere ka Nyamasheke karangwe n’Intwali zihamye.

Abahanzi bo mu karere ka Nyamasheke bari mubasusurukije abitabiriye iki gikorwa bari barangajwe imbere na Nkunda,Light N.I  na Band y’Ihuriro ryÁbahanzi bo mu karere ka Nyamasheke yasusurukije abantu byatanze ishusho y’uko mu karere ka Nyamasheke hari abanyempano kandi bashoboye.

Moise Bigirabagabo umunyamabanga nshingabikorwa w’umurenge wa Macuba niwe wahaye ikaze abashyitsi batandukanye aho yatangiye ashimira imyitwarire y’abaturage bo mu murenge wa Macuba anagaruka ku migabo nímigambi y’umurenge wa Macuba ku rugamba rwo kwiteza imbere ndetse no guharanira kuba intwali ku bikorwa bya buri munsi.

Umuyobozi w’ingabo mu karere ka Nyamasheke yagarutse ku biranga intwali níbyiciro byíntwali anasaba abaturage bo muri Nyamasheke guharanira kuba Intwali ndetse no gusigasira ibikorwa byagezweho

“ Intwali z’Urwanda hari iza cyera n’izubu dukwiriye kwibuka no gutera ikirenge mu cyazo kuko hari umurage zadusigiye , buri wese akwiriye kureba aho yakwisanga mu butwali. Iyi n’inshuro ya 26 ariko buri munyarwanda akwiriye kuzirikana ko agomba gukora icyatuma aba intwali”

Umuyobozi wÍngabo kandi yagarutse ku gusigasira umutekano ndetse no kwirinda ibiyobyyabwenge biri mubizambya iterambere

“ Dukwiriye gusigasira umutekano tukanirinda ibiyobyabwenge kuko nta terambere na rito twageraho ibikorwa nk’ibi bikirangwa mu karere kacu”

Aha muri Nyamasheke kandi abaturage bagaragarijwe amahirwe yo kwiteza imbere no kujijuka binyuze muri Kaminuza ya Kibogora Polythechniq aho basobanuriwe byinshi kuri iyi kaminuza,amashami ifite ndetse n’uburyo itsindisha mu rwego rw’igihugu aho bibukijwe ko ubutwali bwiza ari ukujyana umwana mw’ishuli ryiza.

Uhagarariye Polisi y’Urwanda muri Nyamasheke yatanze impanuro zakoze ku mitima ya benshi

Uhagarariye Polisi mu karere ka Nyamasheke mu kiganiro yagejeje ku bitabiriye igikorwa cyo gufungura icyumweru cy’ubutwali muri Nyamasheke yagarutse ku muco mubi urangwa mu karere ka Nyamasheke aho abahungu baho badukanye ingeso mbi yo guhongerwa ibimasa ndetse n’amafaranga kugira ngo bakunde barongore.

“Mbere na mbere ndagira ngo hano muri Nyamasheke duce umuco mubi wo guhongera abagabo ibimasa ndetse n’amafaranga,ibi bintu bigomba gucika ku buryo bukomeye,aho biri byamaganwe kuko n’umuco w’ubugwari itanga isura mbi mu karere kacu. Ntago abantu babana muri ubwo buryo ngo urugo ruhame,hakenewe urukundo rwa nyarwo rutagendeye ku bintu ,ikindi umuco wacu ntubyemera”

Abayobozi batandukanye bahaye impanuro abaturage

Kuri iyi ngingo abaturage batandukanye batanze ibitecyerezo bitandukanye bitana bamwana aho bamwe bashinjaga abakobwa guhonga abagabo abandi bakanenga abagabo bigize ba bize ngarame badakora bategereje gutungwa n’imitsi yábagore ndetse bamwe bumvikanye batunga agatoki ababyeyi ko aribo boroye uyu muco mubi aho baba ngo banga ko abakobwa babo bahera ku ishyiga.

Mukamana Claudette Visi Mayor ushinzwe imibereho myiza y’abaturage wari umushyitsi mukuru yibukije abaturage bo muri Macuba ko akarere ka Nyamasheke kifuza ko abaturage bako baharanira kuba intwali binyuze mu bikorwa byabo bya buri munsi

“Akarere ka Nyamasheke turifuza ko abaturage bacu baba intwali mu bikorwa byabo bya buri munsi,turashaka ko ibibazo bihari ubu umwaka utaha italiki nk’iyi bizaba byaravuyeho, guharanira ubutwali bisaba kugendera kure imico mibi no guharanira gutera imbere “

Mukamana Claudette nawe yikije ku muco mubi umaze gusakara mu karere ka Nyamasheke wo guhongera inka ndetse námafaranga abagabo asaba ko uwo muco mubi wacika

“Nta mugabo wahongewe ngo arongore umugore, ese ubundi ubwo utegeka urugo n’inde ? birababaje kuba hari abatinyuka kujya mu misango y’ubukwe ukumva usaba ati muraduhekera muduhe nífumbire”

Mw’ijambo ribisobanura byose Visi Mayor ati :

“ Na bibiliya ivuga ngo nta kigabo kitagira ikigore cyacyo,iyo ngeso mbi ntago yaranga intwali”

Visi Mayor yasoje yakira ibibazo by’abaturage batandukanye aho bamwe bacyemuriwe ibibazo abandi berekwa n’inzira y’uko bizacyemurwa ndetse hari n’umwana w’umukobwa ufite ikibazo cy’uburwayi bwo mu mutwe wemerewe kuvuzwa n’akarere kugira ngo abe muzima ndetse yizeza abahanzi bo muri Nyamasheke ubufatanye buzazenguruka aka karere mu bukanguranyambaga butandukanye.

Visi Mayor Mukamana yafashe ifoto y’Urwibutso n’abahanzi anabashimira uruhare rwabo mu guharanira iterambere ry’akarere ka Nyamasheke
Umuhanzi NKUNDA ukunzwe muri Nyamasheke nawe yasusurukije abaturage bo muri Macuba

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE