NYAMASHEKE: Ihuriro ry’Abahanzi ryateguye igitaramo bise “Ubufatanye mw’iterambere ry’Akarere”

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Kuwa 24 Mutarama mu karere ka Nyamasheke mu ntara y’Uburengerazuba hazabera igitaramo gifite insanganyamatsiko “Ubufatanye mw’iterambere ry’Akarere ka Nyamasheke” n’igitaramo gifite intego yo gukoresha impano y’ubuhanzi mu guhuza imbaraga za benshi zikenewe mu iterambere ry’akarere n’Igihugu muri rusange.

Iki gitaramo cyateguwe n’Ihuriro ry’Abahanzi bo mu karere ka Nyamasheke gifite intego kandi yo kwakira Umuyobozi mushya w’akarere ka Nyamasheke Mukamasabo Appolonie  nk’abahanzi ,kurushaho kumenyekanisha Abahanzi n’ibihangano byabo, ndetse no kurushaho guteza imbere umuco wo gukorera hamwe no gutizanya imbaraga.

Innocent Ndayisenga uzwi nka LIGHT N uhagarariye Ihuriro ry’abahanzi bo muri Nyamasheke mu kiganiro na IBYAMAMARE.COM yadutangarije umuzi n’impamvu yo gutegura iki gitaramo.

” Umuziki uhuza abantu kandi n’inzira nziza  yo guhuza abantu nk’umuryango rusange, Imyidagaduro muri rusange na muzika irimo Bizana ibyishimo ibi kandi bikaba umuti
shingiro ku buzima bwa muntu ndetse no kubaho neza kwe,Hifashishijwe imyidagaduro hahindurwa byinshi ku buzima bwa muntu no mu iterambere rye niyo mpamvu twateguye iki gitaramo ngo turusheho gutanga ubutumwa byihuse kuko umuziki urakurikiranwa cyane muri Nyamasheke “

Innocent Ndayisenga akomeza avuga ko muri icyo gitaramo hazatangirwamo ubutumwa ku bijyanye no kuboneza Urubyaro,Kurwanya imirire mibi n’ingwingira mu bana,Ikiganiro k’ugushishikariza urubyiruko kwihangira imirimo no kugaragarizwa amahirwe ari mu karere,Kuboneza urubyaro no Kurwanya inda zitateguwe,Ikiganiro kukugaragaza amahirwe ahari ku bifuza kwiga professional courses of Accounting ( CPA and CAT),Ikiganiro ku kwirinda no kurwanya Ebola,Ikiganiro ku mutekano ,Ikiganiro ku ikoreshwa neza ry’umuhanda no kurwanya ibiyobyabwenge.

Ibyo biganiro bizatangwa n’abayobozi batandukanye barimo abazaturuka muri UNFPA,Kageno Project,BDE,Ingabo na Polisi ndetse na Kibogora Polytechnic n’ibitaro bya Kibogora.

Iki gitaramo kandi cyahujwe na gahunda ya leta yo gutangiza icyumweru cyahariwe ubutwari ivuga iti ” Ubutwari mu Banyarwanda,Agaciro kacu”  bityo gahunda ikazabera mu murenge wa MACUBA aho bita KURUPANGO ahasanzwe habera ibirori bitandukanye ku kibuga. iki gitaramo kikaba kwinjira ari ubuntu.

Nyamasheke ni akarere katasigaye inyuma mu myidagaduro kuko uko gateza imbere izindi
gahunda zose ziteza abaturage imbere ninako kadahwema guteza imbere imyidagaduro muri
rusange, ibi kandi bikarushaho kubanisha neza abaturage ba Nyamasheke ndetse no gutanga
umusanzu mu iterambere ry’Akarere barushaho kwimakaza umuco wo gukorera hamwe.

Twabibutsa ko Nyamasheke ari kamwe mu turere 30 tugize igihugu cy’u Rwanda gaherereye mu burengerazuba bw’igihugu , kakaba gahana imbibi n’uturere twa Nyamagabe mu Burasirazuba bwako , Rusizi mu majyepfo yako , Karongi mu majyaruguru ndetse n’igihugu cya Repuburika iharanira demokarasi ya Congo mu burengerazuba bwako.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO