Nyuma y’imyaka itatu bakoze ubukwe, Safi Madiba yatangaje ko yatandukanye na Niyonizera Judith, wari umaze amezi agera kuri 6 amujyanye muri Canada

Umuhanzi Niyibikora Safi wamenyekanye nka Safi Madiba mu itsinda rya Urban boys akaza kuryivanamo ubu akaba asigaye akora ku giti cye, yatangaje ko yatandukanye na Niyonizera Judith bari bamaranye imyaka itatu basezeranye imbere y’amategeko.

Tariki 1 Ukwakira 2017, Safi Madiba na Niyonizera Judith bashyingiranywe imbere y’amatekego ndetse banasezerana mu rusengero bemeranya kubana nk’umugore n’umugabo.

Safi Madiba mu yatangaje ko yatandukanye na Niyonizera Judith

Uyu muhanzi yari yanasabye aranakwa Judith Niyonizera bakaba banabanaga igihe uriya mugore yabaga aje mu biruhuko mu Rwanda.

Nyuma y’imyaka itatu bari bamaze babana, uyu muhanzi wanatandukanye na bagenzi be muri Urban Boyz, yatangaje ko n’uriya mugore we na we batandukanye.

Ati “Maze amezi atanu nibana njye twaratandukanye. Hari ibintu byinshi tutumvikanyeho biba ngombwa ko dutandukana. Afite uko abayeho nanjye ubu hari uko mbayeho”.

Muri Gashyantare 2020 ni bwo Safi Madiba yagiye muri Canada aho byavuzwe ko yasanzeyo umugore we Judithe kuko ari ho aba, nyuma yaho nibwo byavuzwe ko yatandukanye n’umugore ariko impande zombi zirinda kugira byinshi babitangazaho.

Safi Madiba watandukanye n’umugore, kugeza ubu mu irangamimerere ry’u Rwanda baracyari umugore n’umugabo kuko batarahabwa gatanya.

Uyu muhanzi uherutse kujya muri Canada, mbere yaho yabanje gukorana n’inzu ya The Mane ireberera inyungu abahanzi, na yo bari batandukanye, na byo ntibyavuzweho rumwe.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE