Perezida Trump amaze gutangaza ko yatsinze amatora, ngo nubwo yatsinze arahamya ko yibwe amajwi, agiye kugana mu Rukiko

Mu ijambo yavugiye muri White House, Perezida Donald Trump yavuze ko we azi ko “mu by’ukuri yamaze gutsinda aya matora” ndetse ko “biteguye kwishima mu buryo bukomeye”.

Ku rundi ruhande ariko Trump yavuze ko habaye “kwiba amajwi guteye isoni muri iki gihugu”. Avuga ko ibi azabiregera mu Rukiko rw’Ikirenga.

Perezida Donald Trump yavuze ko we azi ko “mu by’ukuri yamaze gutsinda aya matora”

BwanaTrump ariko nta gihamya yagaragaje yerekana ibi avuga ko yibwe amajwi kandi yatsinze amatora.

Trump kandi yanditse kuri Twitter ko ahagaze neza, ati: “ariko bari kugerageza kwiba amatora, ntituzabibemerera”.

Ubutumwa bwa Perezida Trump ariko bwahise bushyirwaho ikimenyetso kiburira n’urubuga rwa Twitter ko “bushobora kuba buyobobya ku matora”.

Ari muri leta ya Delaware, Joe Biden yagejeje ijambo kuri rubanda, avuga ko ari mu nzira zo gutsinda, mukeba we Trump yanditse kuri Twitter ko bari “kugerageza kwiba amajwi”.

Biden yavuze ko bari babizi ko bishobora gufata igihe kumenya ibyavuye mu matora, ati: “Ndi hano kubabwira ko twizeye ko turi mu nzira igana ku gutsinda aya matora”.

Yongeyeho ko “birangira ari uko buri jwi rimaze kubarwa”.

Joe Biden yagejeje ijambo kuri rubanda, avuga ko ari mu nzira zo gutsinda, mukeba we Trump

Nubwo aba bagabo bari kwigamba intsinzi ariko ntabwo ibyavuye mu matora biratangazwa kumugaragaro.

Mbere y’uko igicamunsi kigera, Isi yose iraza kuba yamenye uwatsinze amatora ya Perezida muri Leta Zunze Ubumwe za Amerika hagati ya Donald Trump na Joe Biden.

Kimwe mu bintu bitangaje mu matora ya Perezida muri Leta Zunze Ubumwe za Amerika ni uko kugena uzaba perezida bidashingira ku mubare w’amajwi ya rubanda nyamwinshi (popular vote), ahubwo hashingirwa ku majwi mwihariko (electoral vote) buri leta iba ibariwe.

Bisaba ko nibura umukandida agira amajwi angana na 270 abarirwa leta bitewe n’impamvu zitandukanye zirimo umubare w’abaturage zifite n’ibindi.

Kugeza ubu, amahirwe menshi ahabwa Joe Biden gusa ibintu bishobora guhinduka umunota ku wundi kuko no mu myaka ine ishize, Trump ntiyahabwaga amahirwe ugereranyije na Hillary Clinton bahatanaga.

Leta zifite umubare munini w’abatora (electors) nizo zihanzwe amaso. Izo zirimo nka Pennsylvania ibarirwa abatora 20, Ohio ifite 18, Georgia ifite 16, Florida ifite 20, North Carolina ibarirwa 15, Wisconsin ibarirwa 10, Michigan ibarirwa abatora 16 na Arizona ibarirwa 11.

Kugira ngo umuntu atorerwe kuyobora Amerika agomba kuba afite nibura amajwi 270, ateranywa bitewe n’ayo buri leta iba ibarirwa. Ubwo Trump yatorwaga, yatsinze bikomeye muri izi leta ziba zifite umubare munini w’abatora nko muri Pennsylvania.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE